నందమూరి నటసింహం నందమూరి బాలకృష్ణ (Nandamuri Balakrishna) చిన్న కుమార్తె తేజస్విని నందమూరి (Tejaswini Nandamuri) వెండితెరపైకి అడుగుపెట్టబోతున్నారనే వార్త ఇప్పుడు టాలీవుడ్ (Tollywood) వర్గాల్లో సంచలనంగా మారింది. సినీ పరిశ్రమలో ఎంతో పేరు ప్రఖ్యాతులు సంపాదించిన నందమూరి కుటుంబం నుండి ఇప్పటివరకు పలువురు హీరోలు వచ్చి తమ సత్తా చాటారు. అయితే ఆ ఫ్యామిలీ నుండి ఒక నటి వెండితెరపై మెరిసే అవకాశం ఇప్పటివరకు రాలేదు. ఇప్పుడు తేజస్విని ఎంట్రీ నిజమైతే నందమూరి ఫ్యామిలీ నుండి వెండితెరపై అడుగుపెడుతున్న తొలి నటిగా (First Actress) కొత్త చరిత్ర సృష్టించనున్నారు.
విశ్వసనీయ సమాచారం ప్రకారం తేజస్విని ఒక పవర్ఫుల్ ఫీమేల్ సెంట్రిక్ ప్రాజెక్ట్ (Powerful Female-Centric Project) ద్వారా హీరోయిన్గా (Heroine) ఎంట్రీ ఇవ్వడానికి సిద్ధమవుతున్నారు. ఒక మంచి సామాజిక సందేశంతో పాటు క్రీడా నేపథ్యంలో సాగే స్పోర్ట్స్ డ్రామా కథతో ఆమె ప్రేక్షకులను అలరించనున్నారని తెలుస్తోంది. పాత్రకు ఉన్న ప్రాధాన్యం కథలోని బలమైన కంటెంట్ నచ్చడంతోనే ఈ ప్రాజెక్ట్కు గ్రీన్ సిగ్నల్ ఇచ్చారనే ప్రచారం జరుగుతోంది. ఇప్పటికే నిర్మాతగా బాలకృష్ణ నిర్మాణ బాధ్యతలు మరియు ప్రమోషన్లలో కీలక పాత్ర పోషిస్తూ తన ప్రతిభను నిరూపించుకున్న తేజస్విని.. ఇప్పుడు నేరుగా నటిగా మారబోతుండటంతో నందమూరి అభిమానుల్లో భారీ అంచనాలు నెలకొన్నాయి. ఈ బిగ్ అప్డేట్పై అధికారిక ప్రకటన ఎప్పుడు వస్తుందో అని సినీ ప్రియులంతా ఆసక్తిగా ఎదురుచూస్తున్నారు.
