టీవీకే ప్రభుత్వానికి (TVK Government) మద్రాస్ హైకోర్టు (Madras High Court) కీలక షాక్ ఇచ్చింది. కరూర్ జిల్లాలో (Karur District) జరిగిన ఘటన బాధితులకు ప్రభుత్వం కరుణా ప్రాతిపదికన ఇచ్చిన ప్రభుత్వ ఉద్యోగాలను (Government Jobs) రద్దు (Cancelled) చేస్తూ కోర్టు సంచలన తీర్పు వెలువరించింది. ప్రభుత్వ ఉద్యోగాలు రాజ్యాంగ నిబంధనలు(Constitutional Provisions), నియామక ప్రక్రియలకు (Recruitment Procedures) లోబడి మాత్రమే ఇవ్వాలని స్పష్టం చేసిన న్యాయస్థానం, ప్రత్యేక పరిస్థితుల పేరుతో నేరుగా ఉద్యోగాలు కేటాయించడం చట్టబద్ధం కాదని పేర్కొంది. దీంతో బాధితులకు ఉద్యోగాలు కల్పిస్తూ ప్రభుత్వం జారీ చేసిన ఉత్తర్వులను హైకోర్టు కొట్టివేసింది.
ఈ సందర్భంగా ప్రభుత్వ ఉద్యోగం అనేది ఎవరికి కావాలంటే వారికి ఉచితంగా పంచిపెట్టే (Freely Distribute) హక్కు (Right) ప్రభుత్వానికి (Government) లేదని హైకోర్టు ఘాటుగా వ్యాఖ్యానించింది. ప్రజా ఉద్యోగాల నియామకంలో సమాన అవకాశాల రాజ్యాంగ సూత్రాలను తప్పనిసరిగా పాటించాలని, భావోద్వేగాలు లేదా ప్రత్యేక నిర్ణయాల కంటే చట్టమే ప్రధానమని స్పష్టం చేసింది. రాజ్యాంగ పరిమితులను దాటే నిర్ణయాలు తీసుకోరాదని ప్రభుత్వానికి ఆదేశాలు జారీ చేసిన కోర్టు, భవిష్యత్తులో ఇటువంటి వ్యవహారాల్లో నిబంధనలకు కట్టుబడి వ్యవహరించాలని సూచించింది. ఈ తీర్పు తమిళనాడు రాజకీయ(Tamil Nadu Political), పరిపాలనా వర్గాల్లో తీవ్ర చర్చకు దారితీసింది.
