రామ్ చరణ్ హీరోగా బుచ్చిబాబు దర్శకత్వంలో తెరకెక్కిన తాజా చిత్రం మిక్స్డ్ టాక్ను ఎదుర్కొన్నప్పటికీ బాక్సాఫీస్ వద్ద సుమారు రూ.400 కోట్లకు పైగా వసూళ్లు సాధించి భారీ విజయంగా నిలిచింది. కలెక్షన్లపై అక్కడక్కడా చర్చలు జరుగుతున్నా, రామ్ చరణ్ మాత్రం ఇప్పటికే తన తదుపరి ప్రాజెక్ట్పై పూర్తిగా దృష్టి పెట్టినట్లు సినీ వర్గాల్లో ప్రచారం జరుగుతోంది. ఈసారి క్రియేటివ్ డైరెక్టర్ సుకుమార్తో ఆయన మరోసారి చేతులు కలపనున్నారని, ఈ క్రేజీ కాంబినేషన్పై అభిమానుల్లో ఇప్పటికే భారీ అంచనాలు నెలకొన్నాయి.
మైత్రి మూవీ మేకర్స్ నిర్మాణంలో, సుకుమార్ రైటింగ్స్ సహ నిర్మాణంలో ఈ ప్రతిష్టాత్మక చిత్రం రూపొందే అవకాశాలు కనిపిస్తున్నాయి. కథ ఇప్పటికే ఫైనల్ అయినట్లు టాలీవుడ్లో వార్తలు వినిపిస్తుండగా, దసరా సందర్భంగా పూజా కార్యక్రమాలతో సినిమాను అధికారికంగా ప్రారంభించి వెంటనే రెగ్యులర్ షూటింగ్ మొదలుపెట్టేలా ప్లాన్ చేస్తున్నట్లు సమాచారం. ‘రంగస్థలం’ తర్వాత మరోసారి రామ్ చరణ్–సుకుమార్ కాంబో రిపీట్ అవుతుండటంతో ఈ ప్రాజెక్ట్పై ఇండస్ట్రీతో పాటు అభిమానుల్లోనూ భారీ ఆసక్తి నెలకొంది. అయితే, ఈ వివరాలపై చిత్రబృందం నుంచి అధికారిక ప్రకటన రావాల్సి ఉంది.
