దక్షిణ కొరియాలోని మువాన్ అంతర్జాతీయ విమానాశ్రయంలో ఘోర విమాన ప్రమాదం చోటుచేసుకుంది. రన్‌వేపై ల్యాండింగ్ చేస్తున్న సమయంలో విమానం అదుపు తప్పి విమానాశ్రయంలో గోడను ఢీకొట్టింది. ఈ ప్రమాదం వల్ల వెంటనే మంటలు వ్యాపించాయి, పొగ ఎయిర్‌పోర్టు పరిసరాలను కమ్మేసింది.
⚡️ #BREAKING Jeju Air Boeing 737-800 with 175 onboard involved in a crash at Muan International Airport in South Korea — video shows the aircraft attempting a ‘belly landing’ (without its landing gear extended) before impacting the perimeter wall#Israel #WWIII #SYRIA #Baku pic.twitter.com/YGXnYU400O
— Mysterious Rex ®️ (@mysterious_rex) December 29, 2024
ఈ ఘటనలో ఇప్పటి వరకు 28 మంది మృతి చెందగా, మరికొంత మంది గాయపడినట్లు అధికారులు వెల్లడించారు. ప్రమాదం జరిగిన సమయంలో విమానంలో 175 మంది ప్రయాణికులు ఉన్నారు. ఆరుగురు సిబ్బంది కూడా ఉన్నారు. విమానం బ్యాంకాక్‌ నుండి మువాన్‌కు వస్తుండగా ఈ దుర్ఘటన చోటుచేసుకుంది.
ప్రమాదానికి సంబంధించిన వీడియోలు వైరల్
ఈ ప్రమాదం తర్వాత సోషల్‌ మీడియాలో వీడియోలు చక్కర్లు కొడుతున్నాయి. విమానం నుండి ఎగిసిపడిన మంటలు, పొగను చూపే దృశ్యాలు ప్రజల్ని భ‌యాందోళ‌న‌కు గురిచేస్తున్నాయి. ప్రస్తుతానికి సహాయక చర్యలు కొనసాగుతున్నాయి. మృతుల సంఖ్య మరింత పెరిగే అవకాశం ఉందని అధికారులు చెబుతున్నారు.
