ఐపీఎల్ 2026లో భాగంగా చెన్నైలోని ఎంఏ చిదంబరం స్టేడియం వేదికగా చెన్నై సూపర్ కింగ్స్ vs పంజాబ్ కింగ్స్ మ్యాచ్ క్రికెట్ అభిమానుల్లో భారీ ఆసక్తిని రేకెత్తిస్తోంది. తొలి మ్యాచ్లో ఓటమి చవిచూసిన సీఎస్కే, ఈ మ్యాచ్తో సీజన్కు శుభారంభం చేయాలని పట్టుదలగా ఉంది. ముఖ్యంగా ఎంఎస్ ధోనీ గాయం నుంచి కోలుకుని జట్టుతో చేరే అవకాశముండటంతో చెపాక్ స్టేడియంలో వాతావరణం ఉత్సాహంగా మారనుంది. కెప్టెన్ రుతురాజ్ గైక్వాడ్ నేతృత్వంలో సంజు శాంసన్, శివమ్ దూబే వంటి ఆటగాళ్లు రాణిస్తే సీఎస్కే బలంగా నిలుస్తుంది. మరోవైపు చెపాక్ పిచ్ స్పిన్కు అనుకూలంగా ఉండటం సీఎస్కేకు అదనపు బలం.
ఇక పంజాబ్ కింగ్స్ జట్టు గత మ్యాచ్లో విజయం సాధించి మంచి జోష్లో ఉంది. అయితే కెప్టెన్ శ్రేయస్ అయ్యర్ గాయం జట్టుకు టెన్షన్ కలిగిస్తోంది. అతను ఆడతాడో లేదో స్పష్టత లేకపోయినా, మార్కస్ స్టోయినిస్, అర్ష్దీప్ సింగ్ వంటి కీలక ఆటగాళ్లు బాధ్యత తీసుకోవాల్సి ఉంది. హెడ్ టు హెడ్ రికార్డుల్లో ఇరు జట్లు సమానంగా ఉన్నప్పటికీ, ఇటీవలి మ్యాచ్ల్లో పంజాబ్ ఆధిపత్యం చూపింది. అయినప్పటికీ చెపాక్లో సీఎస్కేకు ఉన్న బలమైన రికార్డు కారణంగా ఈ పోరు హోరాహోరీగా సాగడం ఖాయం.
