భారత క్రికెట్ ప్రపంచంలో అత్యుత్తమ స్పిన్నర్‌గా పేరు పొందిన రవిచంద్రన్ అశ్విన్, తాజాగా ఒక అరుదైన రికార్డును సొంతం చేసుకున్నారు. రిటైర్‌మెంట్ ప్రకటించిన ఈ స్టార్ ప్లేయర్ తన కెరీర్‌లో పాకిస్తాన్‌తో ఒక్క టెస్ట్ మ్యాచ్ కూడా ఆడకుండానే క్రికెట్‌కు వీడ్కోలు చెప్పడం విశేషం.
మ్యాచ్‌లు ఎందుకు లేవు?
అశ్విన్ తన 13 ఏళ్ల క్రికెట్ కెరీర్‌లో దక్షిణాఫ్రికా, ఆస్ట్రేలియా, ఇంగ్లాండ్, న్యూజిలాండ్, వెస్టిండీస్, శ్రీలంక, బంగ్లాదేశ్ వంటి పలు దేశాలతో టెస్ట్ మ్యాచ్‌లు ఆడారు. కానీ, పొరుగు దేశం పాకిస్తాన్‌తో మాత్రం టెస్ట్ ఆడలేకపోయారు. దానికి కారణం ఇండియా – పాకిస్తాన్ మధ్య కొనసాగుతున్న రాజకీయ సమస్యలు, క్రికెట్ సంబంధాల పునర్నిర్మాణంపై గల క్లారిటీ లేకపోవడమే.
ఇది అశ్విన్‌కి మాత్రమే కాదు, ఈ తరం చాలామంది భారత క్రికెటర్లకు కూడా వర్తిస్తుంది. గత రెండు దశాబ్దాల్లో ఈ రెండు జట్లు ఐసీసీ టోర్నమెంట్లను మినహాయించి టెస్ట్ ఫార్మాట్‌లో తలపడలేదు. అశ్విన్ తన కెరీర్‌లో 94 టెస్ట్ మ్యాచ్‌లలో 474 వికెట్లు తీసి భారత క్రికెట్ చరిత్రలో అత్యుత్తమ బౌలర్‌గా నిలిచారు. కానీ, పాకిస్తాన్‌తో టెస్ట్ మ్యాచ్ ఆడకపోవడం ఆయన అరుదైన రికార్డు.
