మన శరీరం సక్రమంగా పనిచేయాలంటే అంతర్గత అవయవాల ఆరోగ్యం అత్యంత కీలకమని ఆరోగ్య నిపుణులు చెబుతున్నారు. రక్తం, మెదడు, కాలేయం, కిడ్నీలు, అన్నీ అవయవాలు సక్రమంగా పనిచేయాలంటే సహజమైన, పోషకాలతో నిండి ఆహారం తీసుకోవడం అవసరం. రక్తాన్ని శుభ్రం చేయడంలో బీట్రూట్, వెల్లుల్లి వంటి ఆహార పదార్థాలు ప్రధాన పాత్ర పోషిస్తాయి. బీట్రూట్ హిమోగ్లోబిన్ స్థాయిని పెంచి రక్త ప్రసరణను మెరుగుపరుస్తుంది. వెల్లుల్లి రక్తంలోని విషపదార్థాలను తొలగించడంలో సహాయపడుతుంది.
మెదడు, కళ్ళు, ఊపిరితిత్తుల ఆరోగ్యానికి ప్రత్యేకమైన ఆహారాలు ఉపయుక్తం. బ్లూబెర్రీలు జ్ఞాపకశక్తిని పెంపొందిస్తాయి, వాల్నట్స్లోని ఒమేగా-3 ఫ్యాటీ యాసిడ్లు మెదడు పనితీరును మెరుగుపరుస్తాయి. క్యారెట్లు, కేల్, చిలగడదుంపలు కళ్ళ ఆరోగ్యాన్ని కాపాడుతాయి. ఊపిరితిత్తులను శుభ్రం చేయడానికి పైనాపిల్, అల్లం, వెల్లుల్లి వంటి ఆహారాలు శ్వాసకోశాలను రక్షిస్తాయి మరియు ఇన్ఫెక్షన్ అవకాశాలను తగ్గిస్తాయి.
పేగులు, కిడ్నీలు, కాలేయం ఆరోగ్యానికి కూడా ప్రత్యేక ఆహారాలు అవసరం. అలోవెరా, దోసకాయలు, గ్రీన్ ఆపిల్ జీర్ణక్రియను మెరుగుపరుస్తాయి, టాక్సిన్స్ను బయటకు పంపుతాయి. బీట్రూట్, నిమ్మకాయలు, క్రాన్బెర్రీస్, సెలరీలు కిడ్నీ పనితీరును పెంచుతూ సహజంగా శుభ్రం చేస్తాయి. కాలేయానికి బీట్రూట్, వెల్లుల్లి, నిమ్మకాయలు ఉపయోగకరంగా ఉంటాయి. ఈ ఆహారాలను ప్రతిరోజూ తీసుకోవడం ద్వారా శరీరం సహజంగా డిటాక్స్ అవుతుంది. సరైన ఆహారం, ఆరోగ్యకరమైన జీవనశైలి కలిపి పాటిస్తే సంపూర్ణ ఆరోగ్యం సాధ్యమవుతుంది.
