మెగాస్టార్ చిరంజీవి (Megastar Chiranjeevi) అభిమానులకు సంతోషాన్నిచ్చే వార్త! చిరు నటించిన పాత క్లాసిక్ కౌబాయ్ చిత్రం ‘కొదమసింహం’ (Kodamasimham) ఇప్పుడు రీ-రిలీజ్ (Re-Release) ట్రెండ్లో భాగంగా మళ్లీ థియేటర్లలోకి వస్తోంది. 1990 ఆగస్టు 9న విడుదలైన ఈ చిత్రం, కౌబాయ్ స్టైల్లో చిరంజీవి స్టైల్, యాక్షన్, డ్యాన్స్తో అప్పట్లో అభిమానులను ఉర్రూతలూగించింది. కె. మురళీమోహన్రావు (K. Muralimohan Rao) దర్శకత్వంలో, కైకాల నాగేశ్వరరావు (Kaikala Nageswara Rao) రమా ఫిలింస్ బ్యానర్పై నిర్మించిన ఈ సినిమాలో రాధ, సోనం, వాణీ విశ్వనాథ్ కథానాయికలు.
ఈ క్లాసిక్ చిత్రాన్ని ఈ నెల 21న దేశవ్యాప్తంగా గ్రాండ్గా రీ-రిలీజ్ చేయనున్నారు. ప్రేక్షకులకు కొత్త అనుభూతిని అందించేందుకు, ‘కొదమసింహం’ను 4K క్వాలిటీ, డిజిటల్ సౌండ్, కలర్ కరెక్షన్తో రీ-మాస్టర్ చేశారు. ఈ సందర్భంగా విడుదలైన 4K ట్రైలర్కు మెగాఫ్యాన్స్ నుండి భారీ స్పందన లభించింది. చిరంజీవి స్వయంగా సోషల్ మీడియాలో విడుదల చేసిన ఈ ట్రైలర్లో ఆయన వింటేజ్ స్టైల్, డ్యాన్స్ మూవ్స్ మళ్లీ ప్రేక్షకుల్లో నోస్టాల్జియాను పెంచుతున్నాయి. నిర్మాత కైకాల నాగేశ్వరరావు ఈ కొత్త 4K వెర్షన్లోని మెగాస్టార్ ఎనర్జీని అభిమానులు థియేటర్లలో తప్పక అనుభూతి చెందాలని కోరారు.
