‘జ‌గ‌న్ అభివృద్ధి ఆనవాళ్లు’.. కొత్తచెరువు స్కూల్‌లో ఆస‌క్తిక‌ర ఘ‌ట‌న‌

శ్రీసత్యసాయి (Sri Satya Sai) జిల్లాలో ముఖ్య‌మంత్రి (Chief Minister) చంద్ర‌బాబు నాయుడు (Chandrababu Naidu) ప‌ర్య‌ట‌న‌లో ఆస‌క్తిక‌ర ప‌రిణామం చోటుచేసుకుంది. పుట్టపర్తి (Puttaparthi)లోని కొత్తచెరువు (Kottacheruvu) జడ్పీ స్కూల్‌ (ZP School)ను సీఎం చంద్రబాబు నాయుడు, మంత్రి నారా లోకేష్ (Nara Lokesh) సందర్శించిన సందర్భంలో వైసీపీ హయాంలో చేపట్టిన ‘నాడు-నేడు’ (Nadu-Nedu) పథకం (Scheme) ఆనవాళ్లు మరోసారి చర్చనీయాంశమయ్యాయి. ఈ స్కూల్‌లోని బెంచీలపై వైసీపీ ప్రభుత్వం 2021లో అమలు చేసిన నాడు-నేడు స్టిక్కర్లను (Stickers) కప్పిపుచ్చి, కూటమి ప్రభుత్వం ‘మన బడి – మన భవిష్యత్తు’ స్టిక్కర్లు అంటించడం సోషల్ మీడియాలో వివాదాస్పదమైంది.

కూట‌మి ప్ర‌భుత్వం అంటించిన స్టిక్కర్లు తొలగించగా, వాటి వెనుక నాడు-నేడు 2021 ఆనవాళ్లు బహిర్గతమైన వీడియోలు సోష‌ల్ మీడియాలో వైరల్‌గా మారాయి, వైసీపీ శ్రేణులు చంద్రబాబుపై తీవ్ర విమర్శలు గుప్పించాయి. నాడు-నేడు పథకం ద్వారా వైఎస్ జగన్‌మోహన్ రెడ్డి (YS Jagan Mohan Reddy) నేతృత్వంలోని వైసీపీ ప్రభుత్వం (YSRCP Government) రాష్ట్రంలోని ప్రభుత్వ పాఠశాలలను ఆధునికీకరించింది. వేలాది కోట్ల రూపాయ‌లకు పైగా ఖర్చుతో డిజిటల్ తరగతి గదులు, ఆధునిక బెంచీలు, టాయిలెట్లు, ల్యాబ్‌లు, లైబ్రరీలు ఏర్పాటు చేసి, పాఠశాలల రూపురేఖలను మార్చిన ఈ పథకం జగన్ ప్రభుత్వ విజయగాథగా నిలిచింది.

ఇవాళ కొత్త చెరువు జెడ్పీ స్కూల్‌లో మెగా పేరెంట్ టీచ‌ర్ మీటింగ్ జ‌రిగింది. ఈ మీటింగ్‌కు సీఎం చంద్ర‌బాబు, విద్యా శాఖ మంత్రి లోకేష్ హాజ‌ర‌య్యారు. ఈ సంద‌ర్భంగా వైసీపీ హ‌యాంలో స్కూల్‌లో జ‌రిగిన అభివృద్ధిని కప్పిపుచ్చేందుకు చంద్రబాబు స్టిక్కర్లు అంటించారు. దాన్ని తొల‌గించ‌గా నాడు-నేడు పేరు బ‌య‌ట ప‌డింది. ఈ ప‌ర్య‌ట‌న‌లోనే జగన్ ప్రవేశపెట్టిన ‘అమ్మ ఒడి’ పథకాన్ని ‘తల్లికి వందనం’గా పేరు మార్చి, దాని ఆలోచనను నారా లోకేష్‌కు ఆపాదించడంపై కూడా వైసీపీ కౌంట‌ర్లు వేస్తోంది.

“జగన్ చేసిన అభివృద్ధిని స్టిక్కర్లతో కప్పిపుచ్చలేరు. నాడు-నేడు ఆనవాళ్లు చెరగనివి” అంటూ వైసీపీ సానుభూతిప‌రులు కామెంట్లు చేస్తున్నారు. “అమ్మ ఒడిని లోకేష్ ఆలోచన అన్న చంద్రబాబు, స్టిక్కర్లు అంటించి జ‌గ‌న్ చేసిన అభివృద్ధి క్రెడిట్ కూడా లోకేష్‌కే క‌ట్ట‌బెట్టేస్తారా?” అని సెటైర్లు వేస్తున్నారు. కొత్తచెరువు స్కూల్‌ను కార్పొరేట్ స్థాయిలో తీర్చిదిద్దిన క్రెడిట్ జగన్ హయాంలోనిదేనని, లోకేష్ కూర్చున్న బెంచీలు కూడా నాడు-నేడు పథకం కింద ఏర్పాటైనవేనని వైసీపీ గుర్తుచేస్తోంది.

చెర‌గ‌ని @ysjagan ప్ర‌భుత్వ అభివృద్ధి ఆన‌వాళ్లు

శ్రీసత్యసాయి జిల్లా పుట్టపర్తిలోని కొత్తచెరువు జెడ్పీ స్కూల్‌ను సంద‌ర్శించిన‌ సీఎం @ncbn, మంత్రి @naralokesh

బెంచీల‌కు @YSRCParty హ‌యాంలో చేప‌ట్టిన నాడు-నేడు 2021 క‌నిపించ‌కుండా ''మ‌న బ‌డి – మ‌న భ‌విష్య‌త్తు'' స్టిక్క‌ర్లు… pic.twitter.com/DTwZjk8WrH

— Telugu Feed (@Telugufeedsite) July 10, 2025