భారత పురుషుల ఫ్రీస్టైల్ రెజ్లింగ్ జట్టు ఆసియా అండర్-23 ఛాంపియన్షిప్లో అద్భుతమైన ప్రదర్శన కనబరిచి టీమ్ టైటిల్ను సొంతం చేసుకుంది. ఆదివారం ముగిసిన ఈ టోర్నమెంట్లో భారత రెజ్లర్లు ఆరు స్వర్ణ పతకాలు, ఒక రజత పతకంతో కలిపి మొత్తం ఏడు పతకాలతో అగ్రస్థానంలో నిలిచారు.
పతకాలు సాధించిన ఆటగాళ్లు:
నిఖిల్ (61 కేజీలు), సుజీత్ కల్కాల్ (65 కేజీలు), జైదీప్ (74 కేజీలు), చందర్ మోహన్ (79 కేజీలు), సచిన్ (92 కేజీలు), విక్కీ (97 కేజీలు), జస్పూరణ్ సింగ్ (125 కేజీలు) రజత పతకాన్ని సాధించాడు.
ఫైనల్స్ ఫలితాలు:
నిఖిల్ 7–2తో మెరీ బజర్బయేవ్ (కజకిస్తాన్)పై విజయం సాధించాడు.
సుజీత్ 10–0తో ఉమిద్జాన్ జలోలోవ్ (ఉజ్బెకిస్తాన్)పై గెలిచాడు.
జైదీప్ 7–0తో జాఫర్బెక్ (ఉజ్బెకిస్తాన్)పై నెగ్గాడు.
చందర్ మోహన్ 5–2తో బెజెన్జోవ్ (తుర్క్మెనిస్తాన్)పై గెలుపొందాడు.
సచిన్ 5–2తో తుముర్బాటర్ (మంగోలియా)పై విజయం సాధించాడు.
విక్కీ 9–6తో నూర్దౌలత్ బెకెనోవ్ (కజకిస్తాన్)పై గెలిచాడు.
జస్పూరణ్ 3–4తో బత్బాయెర్ (మంగోలియా) చేతిలో ఓటమి పాలయ్యాడు.
ఇదే టోర్నమెంట్లో భారత మహిళల ఫ్రీస్టైల్ జట్టు కూడా పోటీపడిన 10 వెయిట్ కేటగిరీల్లో పతకాలు గెలిచి టీమ్ టైటిల్ను కైవసం చేసుకుంది. భారత రెజ్లర్ల ఈ ప్రదర్శన దేశానికి గర్వకారణం.
