ఫార్ములా-ఈ రేస్ (Formula-E Race) కేసులో మాజీ మంత్రి, బీఆర్ఎస్ (BRS) వర్కింగ్ ప్రెసిడెంట్ కేటీ రామారావు (కేటీఆర్) (KTR) వాడిన ఎలక్ట్రానిక్ పరికరాల నుంచి కీలక ఆధారాలు సేకరించేందుకు తెలంగాణ ఏసీబీ (Telangana ACB) దర్యాప్తును ముమ్మరం చేసింది. కేటీఆర్ వాడిన సెల్ఫోన్ (Cell phone), మ్యాక్బుక్ (MacBook), ట్యాబ్లెట్ (Tablets)లలో కీలక సమాచారం దాగి ఉందని భావిస్తున్న ఏసీబీ అధికారులు, ఈ పరికరాలను స్వాధీనం చేసుకుని డేటా విశ్లేషణకు సిద్ధమవుతున్నారు. ఈ కేసు రాజకీయ వర్గాల్లో తీవ్ర చర్చనీయాంశంగా మారడంతో, ఈ గాడ్జెట్ల (Gadgets) నుంచి బయటపడే సమాచారం కేసును కొత్త మలుపు తిప్పవచ్చని అధికారులు సూచిస్తున్నారు.
జూన్ 16న ఏసీబీ కార్యాలయం (ACB Office)లో కేటీఆర్ను సుమారు 7 గంటల పాటు విచారించిన అధికారులు, ఆయన వాడిన సెల్ఫోన్ను సీజ్ చేసేందుకు ప్రయత్నించారు. అయితే, తాను ఆ రోజు ఫోన్ తీసుకురాలేదని, ఫార్ములా-ఈ రేస్ సమయంలో వాడిన ఫోన్ను జూన్ 18లోపు సమర్పించాలని ఏసీబీ ఆదేశించింది. ఈ పరికరాల ద్వారా కేటీఆర్ వివిధ అధికారులకు ఆదేశాలు జారీ చేసినట్లు ఏసీబీ అనుమానిస్తోంది. ఇప్పటికే కేటీఆర్ ఇచ్చిన స్టేట్మెంట్ ఆధారంగా పలు డాక్యుమెంట్లను సిద్ధం చేస్తున్న అధికారులు, ఈ ఎలక్ట్రానిక్ పరికరాల నుంచి మరిన్ని కీలక ఆధారాలను వెలికితీసేందుకు దృష్టి సారించారు. ఫార్ములా-ఈ రేస్ నిర్వహణలో రూ.54.88 కోట్ల అక్రమాలు జరిగాయని, రూ.45 కోట్ల చెల్లింపులు నిబంధనలు ఉల్లంఘించి విదేశీ కరెన్సీలో జరిగాయని ఏసీబీ ఆరోపిస్తోంది.
ఈ కేసులో కేటీఆర్తో పాటు మాజీ మున్సిపల్ అడ్మినిస్ట్రేషన్ ప్రిన్సిపల్ సెక్రటరీ అరవింద్ కుమార్ (Arvind Kumar), హైదరాబాద్ మెట్రోపాలిటన్ డెవలప్మెంట్ అథారిటీ (HMDA) మాజీ చీఫ్ ఇంజనీర్ బీఎల్ఎన్ రెడ్డి (BLN Reddy) కూడా ఆరోపణలు ఎదుర్కొంటున్నారు. ఈ ఎలక్ట్రానిక్ పరికరాలలోని డేటా.. మెసేజ్లు, ఇమెయిల్స్, ఫైనాన్షియల్ ట్రాన్సాక్షన్ వివరాలు కేసులో నిర్ణయాత్మక ఆధారాలుగా మారవచ్చని ఏసీబీ అంచనా వేస్తోంది. ఈ డేటా విశ్లేషణ ద్వారా అక్రమ ఆర్థిక లావాదేవీలు, అధికారులతో కమ్యూనికేషన్లకు సంబంధించిన సమాచారం బయటపడే అవకాశం ఉందని అధికారులు భావిస్తున్నారు. కేటీఆర్ ఈ కేసును “రాజకీయ కక్షసాధింపు”గా అభివర్ణిస్తూ, విచారణకు సహకరిస్తానని చెప్పినప్పటికీ, ఈ పరికరాల నుంచి బయటపడే సమాచారం కేసు దిశను మార్చే అవకాశం ఉందని రాజకీయ విశ్లేషకులు అంచనా వేస్తున్నారు.
