బాలిక హత్యకేసులో నిందితుడికి ఉరిశిక్ష

అనకాపల్లి (Anakapalli) జిల్లా చోడవరం కోర్టు (Chodavaram Court) ఓ సంచలన తీర్పు వెలువరించింది. 2015లో జరిగిన ఓ అమానుష ఘటనలో, ఏడేళ్ల బాలికను బీరు బాటిల్‌తో గొంతుకోసి హత్య చేసిన నిందితుడు శుభాచారి శేఖర్ (Shubachari Shekhar) ​(31)కు కోర్టు ఉరిశిక్ష విధించింది. ఈ కేసును పరిశీలించిన 9వ అదనపు జిల్లా జడ్జి కె.రత్నకుమార్ (K. Ratnakumar), నిందితుడిపై నేరం రుజువైన నేపథ్యంలో అతడికి మరణశిక్ష (Death Sentence) విధించారు. చోడవరం న్యాయస్థానం చరిత్రలో తొలిసారిగా ఇలాంటి తీర్పు వెలువరించడం గమనార్హం. ఈ తీర్పుతో బాధిత కుటుంబానికి కొంత న్యాయం జరిగినట్లుగా భావిస్తున్నారు.