వక్ఫ్ చట్టం (Waqf Act) సవరణ బిల్లును పార్లమెంటు (Parliament) లో ప్రవేశపెట్టేందుకు కేంద్ర ప్రభుత్వం సిద్ధమవుతుండగా, దానికి మద్దతిస్తున్న కూటమి ప్రభుత్వం (Coalition Government) పై ఆల్ ఇండియా ముస్లిం పర్సనల్ లా బోర్డు (All India Muslim Personal Law Board – AIMPLB) తీవ్రంగా మండిపడింది. విజయవాడ (Vijayawada) సహా జిల్లాల్లో చంద్రబాబు (Chandrababu) ప్రభుత్వం అధికారికంగా నిర్వహించే రంజాన్ ఇఫ్తార్ విందు (Iftar Dinner)లను బహిష్కరించాలని పిలుపునిచ్చింది.
వక్ఫ్ బిల్లుపై తీవ్ర వ్యతిరేకత
ముస్లింలకు రాజ్యాంగబద్ధంగా కల్పించిన వక్ఫ్ ఆస్తుల (Waqf Properties) హక్కులను కాలరాయడానికే కేంద్రం ఈ బిల్లును తీసుకువస్తోంది అని లాబోర్డు నేతలు (Law Board Leaders) ఆందోళ‌న వ్య‌క్తంచేశారు. 41 సవరణలతో వస్తున్న బిల్లులో కేవలం 6-7 మార్పులే పేరుకు మాత్రమే చేస్తున్నారని జమాతే ఇస్లామీ హింద్ రాష్ట్ర అధ్యక్షుడు రఫీక్ (Rafique) తెలిపారు. వక్ఫ్ బిల్లును తక్షణమే ఉపసంహరించుకోవాలని ముస్లిం లాబోర్డు డిమాండ్ చేసింది.
29న విజయవాడలో భారీ నిరసన
ఈ బిల్లుకు వ్యతిరేకంగా దేశవ్యాప్తంగా పోరాటం చేస్తామని ఈనెల 29న విజయవాడలోని ధర్నా చౌక్ (Dharna Chowk) వద్ద భారీ నిరసన చేపడతామని లాబోర్డు ప్రకటించింది. ముస్లింలు (Muslims) ఎవ్వరూ రాష్ట్ర ప్రభుత్వం ఏర్పాటు చేసే ఇఫ్తార్ విందుల్లో పాల్గొనకూడ‌ద‌ని పిలుపునిచ్చింది.
