రేపు వైసీపీ జిల్లా అధ్యక్షులతో వైఎస్ జగన్ కీలక మీటింగ్‌

వైసీపీ (YSR Congress Party) అధ్యక్షుడు, మాజీ ముఖ్యమంత్రి (Former Chief Minister) వైఎస్ జగన్ (YS Jagan) రేపు (Tomorrow) పార్టీ జిల్లా అధ్యక్షులతో (District Presidents) సమావేశం (Meeting) కానున్నారు. ఈ భేటీలో 26 జిల్లాల వైసీపీ అధ్య‌క్షులు హాజ‌రుకానున్న‌ట్లుగా స‌మాచారం. భేటీకి సంబంధించి ఇప్ప‌టికే జిల్లా అధ్య‌క్షుల‌కు స‌మాచారం చేర‌వేసిన‌ట్లుగా తెలుస్తోంది. ఈ భేటీలో రాష్ట్రంలోని తాజా రాజకీయ పరిణామాలు, పార్టీలో తీసుకోవాల్సిన భవిష్యత్ చర్యలు, కార్యక్రమాల నిర్వహణపై వైఎస్ జగన్ జిల్లా అధ్యక్షులతో విస్తృతంగా చర్చించే అవకాశం ఉన్న‌ట్లుగా స‌మాచారం. పార్టీని గ్రామ‌స్థాయి నుంచి మరింతగా బలోపేతం చేయడం, కూట‌మి ప్ర‌భుత్వం (Coalition Government)పై ప్ర‌జ‌ల్లో పెరుగుతున్న వ్య‌తిరేక‌త‌, సూప‌ర్ సిక్స్ ప‌థ‌కాల అమ‌లు, పార్టీ నేత‌ల‌పై జ‌రుగుతున్న దాడులు, కేసుల‌పై చ‌ర్చించి జిల్లా అధ్య‌క్షుల‌కు వైఎస్ జ‌గ‌న్ మార్గ‌నిర్దేశం (Guidance) చేయ‌నున్నట్లుగా తెలుస్తోంది. జిల్లా అధ్య‌క్షుల‌తో జ‌గ‌న్‌ సమావేశం కీలకంగా మారనున్న‌ట్లుగా స‌మాచారం.