చంద్రబాబు (Chandrababu) పాలనలో విద్యాశాఖ (Education Department) భ్రష్టుపట్టిందని (Collapsed) వైసీపీ అధినేత, మాజీ ముఖ్యమంత్రి (Former Chief Minister) వైఎస్ జగన్మోహన్ రెడ్డి (Y. S. Jagan Mohan Reddy) తీవ్ర విమర్శలు చేశారు. CM చంద్రబాబు, విద్యాశాఖ మంత్రి నారా లోకేష్ (Nara Lokesh) 10వ తరగతి పరీక్షల (10th Class Examinations) నిర్వహణలో ఘోరంగా విఫలమయ్యారని (Miserably Failed) ఆరోపించారు.
“చంద్రబాబు గారూ, మీ అవివేక, అనాలోచిత నిర్ణయాలతో విద్యార్థులు, వారి తల్లిదండ్రులు కష్టాలు ఎదుర్కొంటున్నారు. 6.14 లక్షల మంది విద్యార్థులు కష్టపడి పరీక్షలు రాస్తే, జవాబు పత్రాలను సరిగ్గా దిద్దలేని దుస్థితిలో మీరు ఉన్నారు. పారదర్శకంగా ఫలితాలు వెల్లడించలేకపోయారు. దీంతో ప్రతి విద్యార్థి తన మార్కులపై అనుమానాలు వ్యక్తం చేసే పరిస్థితి తెచ్చారు,” అని జగన్ విమర్శించారు.
ముఖ్యంగా, పరీక్షల నిర్వహణ సమయంలో ప్రశ్నపత్రాలు (Question Papers) లీకయ్యాయని (Leaked), అయినా తప్పులను సరిదిద్దుకోకపోవడం చంద్రబాబు సర్కారు అసమర్థతకు నిదర్శనమని ఆయన అన్నారు. “ట్రిపుల్ ఐటీ, గురుకుల జూనియర్ కాలేజీలు సహా ఇతర అడ్మిషన్లలో విద్యార్థులు అన్యాయానికి గురవుతున్నారు. దీనికి ఎవరు బాధ్యత వహిస్తారు?” అని ఆయన ప్రశ్నించారు.
తమ పాలనలో విద్యారంగంలో తీసుకొచ్చిన సంస్కరణలను చంద్రబాబు ప్రభుత్వం ధ్వంసం చేసిందని జగన్ ఆరోపించారు. “నాడు-నేడు, గోరుముద్ద, ఇంగ్లీషు మీడియం, సీబీఎస్ఈ, ఐబీ, టోఫెల్ క్లాసులు, ట్యాబులు, సబ్జెక్టుల వారీగా బోధన, అమ్మ ఒడి వంటి మంచి కార్యక్రమాలను కక్షగట్టి నీరుగార్చారు,” అని ఆయన విమర్శించారు.
చంద్రబాబు ప్రభుత్వం విద్యార్థుల జీవితాలతో చెలగాటమాడుతోందని, ఫీజు రీయింబర్స్మెంట్ బకాయిల విషయంలో నిర్లక్ష్యం చూపిస్తోందని జగన్ ఆగ్రహం వ్యక్తం చేశారు. “ఫీజుల కోసం కాలేజీలు విద్యార్థులపై ఒత్తిడి తెస్తున్నాయి. హాల్ టిక్కెట్లు ఇవ్వకుండా వేధిస్తున్నాయి. దీంతో పేద విద్యార్థులు చదువు మానేసి కూలీ పనులకు వెళ్లే దుర్భర పరిస్థితి తెచ్చారు,” అని ఆయన అన్నారు.
వైఎస్ జగన్ డిమాండ్లు:
- ఎలాంటి ఫీజు లేకుండా కోరిన ప్రతి విద్యార్థి జవాబు పత్రాలను రీవాల్యుయేషన్ చేయాలి.
- తుది ఫలితాలు వచ్చే వరకు 10వ తరగతి మార్కుల ఆధారంగా అడ్మిషన్లను కొన్ని రోజులు నిలిపివేయాలి.
- తప్పులకు బాధ్యులైన విద్యాశాఖ మంత్రి లోకేష్ సహా అందరిపై చర్యలు తీసుకోవాలి.
“విద్యార్థుల భవిష్యత్తుతో ఆడుకునే హక్కు ఎవరికీ లేదు. విద్యాశాఖను సరిచేయడంలో విఫలమైన చంద్రబాబు, లోకేష్లు విద్యార్థులకు క్షమాపణ చెప్పాలి” అని జగన్ డిమాండ్ చేశారు.
1.@ncbn గారూ.. మీరు, మీ కొడుకు విద్యాశాఖ మంత్రి లోకేష్ టెన్త్ పరీక్షల నిర్వహణలో పూర్తిగా ఫెయిల్ అయ్యారు. మీ పాలనలో విద్యారంగం భ్రష్టుపట్టిపోయింది. మీ అవివేక, అనాలోచిత, పరిణితిలేని నిర్ణయాలతో విద్యార్థులకు, వారి తల్లిదండ్రులకు కష్టాలే ఎదురవుతున్నాయి. 10వ తరగతి పరీక్ష పత్రాల…
— YS Jagan Mohan Reddy (@ysjagan) May 31, 2025
