ర్యాంకుల రేసుకు మ‌రో యువ‌కుడు. విజయవాడ (Vijayawada)లోని భవానీపురం (Bhavanipuram)లో ఉన్న నారాయణ ఇంటర్ కాలేజీ (Narayana Inter College)లో జరిగిన ఒక దుర్ఘటన స్థానికంగా తీవ్ర కలకలం రేకెత్తించింది. భ‌వ‌నీపురంలోని నారాయణ కాలేజీలో జీవ‌న్‌సాయి (Jeevansai) ఇంటర్మీడియ‌ట్ సెకండ్ ఇయర్ (Intermediate Second Year) చ‌దువుతున్నాడు. జీవ‌న్‌సాయికి తక్కువ మార్కులు (Less Marks) వచ్చాయని లెక్చరర్ (Lecturer) న‌లుగురిలో శారీరకంగా, మానసికంగా వేధింపులకు (Harassment) గురిచేశాడు. దీంతో మనస్తాపం చెందిన ఆ విద్యార్థి ఇంటికి వెళ్లి ఆత్మహత్య (Suicide) చేసుకున్నాడు. ఈ ఘటన స్థానికంగా తీవ్ర కలకలం రేపింది.
జీవన్ సాయి ఆత్మహత్య ఘటన తెలిసిన వెంటనే, వైసీపీ విద్యార్థి విభాగం (YSRCP Student Wing), ఎస్‌ఎఫ్‌ఐ(SFI), పీడీఎస్‌యూ(PDSU) సహా పలు విద్యార్థి సంఘాలు కాలేజీ ఎదుట ఆందోళనకు దిగాయి. నారాయణ కాలేజీ యాజమాన్యంపై తీవ్ర ఆరోపణలు చేస్తూ, కాలేజీ ఎదుట నిరసనలు చేపట్టాయి. భవానీపురం పోలీస్ స్టేషన్‌లో కేసు నమోదైనప్పటికీ, కాలేజీ యాజమాన్యం ఈ ఘటనపై నిర్లక్ష్యంగా వ్యవహరిస్తోందని విద్యార్థి సంఘాలు ఆరోపిస్తున్నాయి.
కాలేజీ యాజమాన్యంపై కఠిన చర్యలు తీసుకోవాలని, బాధ్యత వహించిన లెక్చరర్‌ను అరెస్ట్ చేయాలని డిమాండ్ చేశారు. నారాయణ గ్రూప్ ఛైర్మన్, మాజీ మంత్రి పి. నారాయణ (P. Narayana)ను కేబినెట్ నుంచి బర్తరఫ్ చేయాలని, కాలేజీ గుర్తింపును రద్దు చేయాలని కూడా వారు కోరారు. నిరసన సమయంలో ఫ్లెక్సీలు చించివేసి, కాలేజీ యాజమాన్యానికి వ్యతిరేకంగా నినాదాలు చేశారు. ఈ ఆందోళనలు ఉద్రిక్తతకు దారితీయడంతో పోలీసులు కొందరు విద్యార్థి సంఘ నేతలను అరెస్ట్ చేసి భవానీపురం పోలీస్ స్టేషన్‌కు తరలించారు.
