టెక్నాల‌జీకి పితామ‌హుడిగా చెప్పుకునే చంద్రబాబు (Chandrababu).. నిత్యం ఏఐ(AI) గురించి మాట్లాడుతూ కార్మికుల పని గంటలు పెంచడం ఏంట‌ని వామపక్ష పార్టీలు ప్ర‌శ్నించాయి. సాంకేతికత పెరిగే కొద్దీ పని గంటలు పెరుగుతాయా..? అని వ్యంగ్యాస్త్రాలు విసిరారు. విజయవాడ (Vijayawada)లోని సీపీఐ రాష్ట్ర కార్యాలయం (CPI State Office)లో వామపక్ష పార్టీల ఉమ్మడి సమావేశం జరిగింది. ఈ సమావేశంలో సీపీఐ రాష్ట్ర కార్యదర్శి కె. రామకృష్ణ (K.Ramakrishna), సీపీఎం(CPM) రాష్ట్ర కార్యదర్శి వి. శ్రీనివాసరావు (V.Srinivasa Rao), ఇతర వామపక్ష పార్టీల నాయకులు పాల్గొన్నారు. జూలై 9న కార్మిక సంఘాలు ప్రకటించిన సమ్మెకు వామపక్ష పార్టీలు పూర్తి మద్దతు ఇస్తున్నట్లు ప్రకటించారు. కేంద్ర, రాష్ట్ర ప్రభుత్వాల కార్మిక వ్యతిరేక విధానాలను, స్మార్ట్ మీటర్ల (Smart Meters) ఏర్పాటు, విద్యుత్ ఛార్జీల (Electricity Charges) పెంపును వ్యతిరేకిస్తూ ఈ సమావేశంలో పలు నిర్ణయాలు తీసుకున్నారు.
సీపీఐ రాష్ట్ర కార్యదర్శి కె. రామకృష్ణ మాట్లాడుతూ, కేంద్రంలోని మోడీ (Modi) ప్రభుత్వం అధికారంలోకి వచ్చిన తర్వాత కార్మిక వ్యతిరేక విధానాలను అవలంబిస్తోందని, రాష్ట్రంలో చంద్రబాబు నాయుడు (Chandrababu Naidu) కూడా అదే దారిలో వెళ్తున్నారని విమర్శించారు. నెల్లూరు (Nellore) జిల్లా (District) ఉల్లవపాడులో (Ullavapadu) భూముల (Lands) కోసం (For) ఆందోళన (Protest) చేస్తున్న (Doing) జిల్లా ఉల్లవపాడులో భూముల కోసం ఆందోళన చేస్తున్న రైతులను తరిమికొట్టారని, ఈ ఘటనను ఖండిస్తూ జూలై 2న వామపక్ష పార్టీల నాయకులు ఆ ప్రాంతంలో పర్యటించనున్నట్లు తెలిపారు. స్మార్ట్ మీటర్ల ఏర్పాటును వ్యతిరేకిస్తూ పోరాటానికి సిద్ధమవుతున్నామని, ఆదానీ కంపెనీకి అనుకూలంగా విద్యుత్ ఛార్జీలు పెంచడాన్ని తీవ్రంగా వ్యతిరేకిస్తున్నామని ఆయన అన్నారు. ప్రతిపక్షంలో ఉన్నప్పుడు టీడీపీ(TDP) స్మార్ట్ మీటర్లను పగలకొట్టాలని పిలుపునిచ్చిందని, కానీ ఇప్పుడు అధికారంలో ఉంటూ వాటిని ఇళ్లలో ఏర్పాటు చేస్తోందని ఆయన విమర్శించారు.
సీపీఎం రాష్ట్ర కార్యదర్శి వి. శ్రీనివాసరావు మాట్లాడుతూ.. నెల్లూరు జిల్లాలో 8500 ఎకరాల భూమిని ఇండోసోల్ కంపెనీ (Indosol Company)కి కట్టబెట్టడాన్ని తీవ్రంగా వ్యతిరేకిస్తున్నామని తెలిపారు. గత ప్రభుత్వం భూముల కుంభకోణం అని ఆరోపించిన టీడీపీ, ఇప్పుడు అధికారంలో ఉంటూ ఊళ్లను లేపేసి కార్పొరేట్ కంపెనీలకు భూములు ఇస్తోందని ఆగ్ర‌హం వ్య‌క్తం చేశారు. రాష్ట్రంలో 2 లక్షల ఎకరాల భూమి ఖాళీగా ఉందని, రైతులు రోడ్డెక్కి ఆందోళన చేస్తున్నా ప్రభుత్వం నిర్లక్ష్యంగా వ్యవహరిస్తోందని విమర్శించారు. రామయ్యపట్నం పోర్ట్ రాకముందే భూముల సమీకరణ చేయడం సరికాదని, భూ సమీకరణ విధానాన్ని వెనక్కి తీసుకోవాలని డిమాండ్ చేశారు. అలాగే, 8 గంటల పని గంటలను 12 గంటలకు పెంచడం ద్వారా కార్మికులపై భారం మోపుతున్నారని, సాంకేతికత పెరిగే కొద్దీ పని గంటలు తగ్గాలని, కానీ పెంచడం దుర్మార్గమని ఆయన అన్నారు. స్మార్ట్ మీటర్ల వల్ల విద్యుత్ ఛార్జీలు భారీగా పెరుగుతాయని, ఆదానీ కంపెనీ మీటర్లను అమ్మడానికి ఈ విధానాన్ని అమలు చేస్తోందని ఆరోపించారు.
