రికార్డులు తిరగరాసిన ‘సంక్రాంతికి వస్తున్నాం’

విక్టరీ వెంకటేశ్ (Venkatesh) హీరోగా స‌క్సెస్ ఫుల్ డైరెక్ట‌ర్ అనిల్ రావిపూడి ద‌ర్శ‌క‌త్వంలో సంక్రాంతి పండుగ సంద‌ర్భంగా విడుద‌లైన ‘సంక్రాంతికి వస్తున్నాం’ (Sankranthiki Vastunnam) సినిమా తెలుగు సినీ పరిశ్రమలో రికార్డు స్థాయిలో వసూళ్లు సాధిస్తోంది. ఈ సినిమా ప్రేక్షకులను ఆకట్టుకోవడంతో పాటు థియేటర్లలో నవ్వుల జల్లు కురిపిస్తూనే, బాక్సాఫీసు (Box office) వద్ద భారీగా కాసులు (Collections) వర్షం కురిపిస్తోంది.

రిలీజ్ అయిన 13వ రోజు నాటికి ఆంధ్రప్రదేశ్ మరియు తెలంగాణలో ఈ సినిమా రూ. 6.77 కోట్ల షేర్‌ను వసూలు చేసింది. ప్రభాస్-రాజమౌళి కాంబోలో వచ్చిన బాహుబలి-2 సినిమా 13వ రోజు వసూళ్లను కూడా ఈ సినిమా దాటేసిందని సినీ విశ్లేషకులు పేర్కొంటున్నారు.

ఇప్పటి వరకు వసూళ్లు సంక్రాంతికి వ‌స్తున్నాం సినిమా రూ. 276 కోట్ల భారీ వసూళ్లు సాధించి, మరోసారి విక్ట‌రీ వెంకటేశ్ ఫ్యాన్స్ గర్వపడేలా చేసింది. ఈ స్థాయి విజయంతో ‘సంక్రాంతికి వస్తున్నాం’ మరో రికార్డు సినిమాగా నిలిచింది.