దక్షిణాది సినిమా ఇండస్ట్రీలో దశాబ్దాలుగా తనదైన గుర్తింపు ఏర్పరిచిన హీరోయిన్ త్రిష కృష్ణన్ (Trisha Krishnan), గత కొన్ని రోజులుగా సోషల్ మీడియాలో హాట్ టాపిక్గా మారారు. తమిళ స్టార్ హీరో దళపతి విజయ్ (Thalapathy Vijay) భార్య సంగీత (Sangeetha) ఇటీవల విడాకుల (Divorce) కోసమని కోర్టులో హాజరైన సంగతి తెలిసిందే. ఆమె భర్త నటితో సంబంధం పెట్టుకోవడం కారణంగా విడాకులు కోరుతున్నట్లు చెప్పడం పెద్ద సంచలనాన్ని సృష్టించింది. ఆ నేపథ్యంలో, విజయ్, త్రిష ఒకరి పెళ్లి వేడుకల్లో పాల్గొన్న ఫోటోలు నెట్టింట షేర్ కావడం, పెద్ద చర్చలకు కారణమైంది. కోలీవుడ్లో ఈ కాంబినేషన్ మీద వివిధ రకాల చర్చలు జరుగుతున్నాయి.
ఇప్పటివరకు సినిమాల్లో క్రేజ్లో ఉన్న త్రిషకు సంబంధించిన మరో షాకింగ్ వార్త ఏమిటంటే, ఆమె ఇక సినిమాలకు గుడ్ బై (Goodbye to Movies) చెప్పబోతోంది అనే టాక్ మొదలైంది. దీంతో గత కొంతకాలంగా ఆమె కొత్త సినిమాలు ఒప్పుకోకపోవడం గమనార్హం. సోషల్ మీడియాలో ఈ నిర్ణయం కారణంగా ఆమె రాజకీయ రంగంలో (Politics) అడుగుపెట్టబోతున్నారని పెద్ద ఎత్తున ప్రచారం జరుగుతోంది. నిజానికి ‘పొన్నియిన్ సెల్వన్’ వంటి భారీ విజయంతో హీరోయిన్గా త్రిష మళ్లీ ఫామ్లోకి వచ్చారు. ప్రస్తుతం అమ్మడి కెరీర్ పీక్ స్టేజ్లో ఉందనే చెప్పాలి. ఇలాంటి సమయంలో విజయ్ వ్యవహారంతో పాటు రాజకీయంగా కూడా హాట్ టాపిక్గా మారారు.
