తిరుమల శ్రీ వేంకటేశ్వర స్వామి ఆలయంలో 2025 జనవరి 7న బ్రేక్ దర్శనాలను రద్దు చేస్తున్నట్లు టీటీడీ ప్రకటించింది. ఆలయంలో కోయిల్ ఆళ్వార్ తిరుమంజనం నిర్వహించనున్న కారణంగా ఈ నిర్ణయం తీసుకున్నట్లు తెలియజేశారు.
సిఫార్సు లేఖలు స్వీకరించవద్దన్న టీటీడీ
జనవరి 6న సాయంత్రం నుంచి బ్రేక్ దర్శనాల కోసం ఎలాంటి సిఫార్సు లేఖలను స్వీకరించబోమని టీటీడీ స్పష్టం చేసింది. వైకుంఠ ఏకాదశి ఉత్సవాలకు ముందు ఆలయ శుద్ధి, ప్రత్యేక పూజలు, నైవేద్యాలు పూర్తయ్యాక భక్తులకు సర్వదర్శనం మాత్రమే అందుబాటులో ఉంటుంది.
భక్తులకు సూచన
జనవరి 7న ప్రత్యేక దర్శనాలు లేకుండా అన్ని ఏర్పాట్లు సర్వదర్శనానికి మాత్రమే కేటాయించబడతాయ‌ని, భక్తులు ముందుగా తమ ప్రయాణాన్ని అనుసరించి ఈ మార్పులను పరిగణలోకి తీసుకోవాలని టీటీడీ విజ్ఞప్తి చేసింది.
