పాన్-ఇండియా స్టార్ ప్రభాస్ (Pan-India Star Prabhas) నటిస్తున్న ‘ది రాజా సాబ్’ (The Raja Saab) సినిమా ఇప్పటికే ప్రేక్షకుల్లో భారీ అంచనాలను క్రియేట్ చేసింది. మారుతి(Maruthi) దర్శకత్వంలో తెరకెక్కుతున్న ఈ రొమాంటిక్ హారర్-కామెడీ చిత్రం 2026 జనవరి 9న గ్రాండ్గా థియేటర్లలో విడుదల కానుంది. కొన్ని నెలల క్రితం మేకర్స్ విడుదల చేసిన థియేట్రికల్ ట్రైలర్ (Theatrical Trailer) సినిమాపై ఆసక్తిని మరింతగా పెంచింది.
తాజా సమాచారం ప్రకారం, ఈ సినిమాకు సంబంధించిన రిలీజ్ ట్రైలర్ను ప్రీ-రిలీజ్ ఈవెంట్ సందర్భంగా డిసెంబర్ 27న హైదరాబాద్లో లాంచ్ చేయనున్నారు. ఈ చిత్రంలో ప్రభాస్ సరసన మాళవిక మోహనన్, నిధి అగర్వాల్, రిద్ధి కుమార్ కథానాయికలుగా నటిస్తున్నారు.
పీపుల్ మీడియా ఫ్యాక్టరీ బ్యానర్పై టీ.జీ. విశ్వ ప్రసాద్, కృతి ప్రసాద్ ఈ సినిమాను నిర్మించగా, సంగీతాన్ని థమన్ అందిస్తున్నారు. అలాగే సంజయ్ దత్, బొమన్ ఇరానీ, జరీనా వహాబ్, సముద్రఖని, వీటీవీ గణేష్ కీలక పాత్రల్లో కనిపించనున్నారు. విడుదల కాబోయే ట్రైలర్ ఎలాంటి రెస్పాన్స్ అందుకుంటుందో చూడాలి.
