ప్రముఖ జానపద గాయని, టాలీవుడ్ సింగర్ మంగ్లీ (సత్యవతి) (Mangli – Satyavathi) చుట్టూ వివాదం ముసురుకుంది. తన దగ్గర రూ.10 కోట్లు తీసుకుని మోసం చేయడమే కాకుండా, తిరిగి అడిగితే తన శవం కూడా దొరకకుండా చేస్తానని బెదిరించిందని అడ్వకేట్ సుబ్బారావు (Advocate Subbarao) పంజాగుట్ట పోలీసులకు (Panjagutta Police) ఫిర్యాదు చేశారు. ఈ అంశం రెండు తెలుగు రాష్ట్రాల్లో హాట్ టాపిక్గా మారింది.
డైరెక్టర్ వేణు ఉడుగుల హస్తం
బాధితుడు సుబ్బారావు తన ఫిర్యాదులో పలు సంచలన విషయాలను వెల్లడించారు. కేవలం తననే కాకుండా దాదాపు 150 మందిని ఈ ముఠా మోసం చేసిందని ఆయన ఆరోపించారు. ఈ కుట్రలో మంగ్లీతో పాటు ప్రముఖ సినీ దర్శకుడు వేణు ఉడుగుల (విరాటపర్వం ఫేమ్), అలాగే మంగ్లీ సోదరుడికి కూడా భాగస్వామ్యం ఉందని బాధితుడు పేర్కొన్నారు.
ఎఫ్ఐఆర్ నమోదు
తమకు ప్రాణహాని ఉందంటూ బాధితుడు ఇచ్చిన ఫిర్యాదును స్వీకరించిన పంజాగుట్ట పోలీసులు, ప్రాథమిక విచారణ అనంతరం కేసు నమోదు చేశారు. BNS 351(2) (నేరపూరిత బెదిరింపులు), 352 (శాంతి భద్రతలకు విఘాతం కలిగించడం) సెక్షన్ల కింద మంగ్లీ, వేణు ఉడుగుల, మంగ్లీ సోదరుడిపై కేసు బుక్ చేశారు.
న్యాయవాది సుబ్బారావు ఆరోపణల ప్రకారం, మంగ్లీ తన పలుకుబడిని ఉపయోగించి భారీ మొత్తంలో డబ్బు వసూలు చేసిందని, అది తిరిగి చెల్లించమన్నప్పుడు బెదిరింపులకు దిగిందని తెలుస్తోంది. అయితే, ఈ ఆరోపణలపై సింగర్ మంగ్లీ గానీ, డైరెక్టర్ వేణు ఉడుగుల గానీ ఇప్పటివరకు అధికారికంగా స్పందించలేదు. హై ప్రొఫైల్ వ్యక్తులపై కేసు నమోదు కావడంతో ఈ వ్యవహారం ఇప్పుడు తెలుగు రాష్ట్రాల్లో హాట్ టాపిక్ అయింది. దీని వెనుక అసలు నిజానిజాలు ఏమిటో పోలీసుల దర్యాప్తులో తేలాల్సి ఉంది.
ముద్రగడకు పవన్ గవర్నర్ పదవి ఇద్దామన్నారు