నటుడు మరియు తమిళగ వెట్రి కళగం (Tamilaga Vetri Kazhagam) అధ్యక్షుడు (President) విజయ్‌ (Vijay) ఇటీవల మహానాడు (Mahanadu) వేదికగా చేసిన వ్యాఖ్యలు తమిళనాడు రాజకీయాల్లో (Tamil Nadu Politics) తీవ్ర దుమారం రేపుతున్నాయి. 2026 ఎన్నికల్లో తాను ఒంటరిగా పోటీ (Alone Contest) చేస్తానని ప్రకటించిన విజయ్‌, బీజేపీ(BJP), అన్నాడీఎంకే (AIADMK), డీఎంకే (DMK) కూటములను విమర్శించారు. దీనితో అన్ని రాజకీయ పార్టీల నుండి ఆయనపై తీవ్ర విమర్శలు వస్తున్నాయి.
ఈ విషయంపై స్పందించిన బీజేపీ సీనియర్‌ నేత, నటుడు శరత్‌కుమార్‌ (Sarathkumar), విజయ్‌ని ఉద్దేశించి కీలక వ్యాఖ్యలు చేశారు. “సిద్ధాంతపరంగా రాజకీయాలు మాట్లాడితే బాగుంటుంది. కానీ, మిస్టర్‌ పీఎం (Mr PM) అంటూ ప్రధాని నరేంద్ర మోదీ (Narendra Modi)ని సంబోధించే స్థాయి విజయ్‌కి ఇంకా రాలేదు” అని శరత్‌కుమార్‌ పేర్కొన్నారు. రాజకీయాల్లోకి వచ్చే ముందు ‘ఫాసిజం’ (Fascism) అంటే ఏమిటో తెలుసుకోవాలని కూడా ఆయన హితవు పలికారు. ఇదే సమయంలో అన్నాడీఎంకే నేతలు కూడా విజయ్‌పై వ్యంగ్యంగా స్పందించారు, రాజకీయాల్లో అందరూ ఎంజీఆర్, జయలలిత కాలేరని ఎద్దేవా చేశారు.
మరోవైపు, దివంగత నటుడు విజయకాంత్‌ సతీమణి ప్రేమలత, విజయ్‌కు మద్దతు తెలిపారు. విజయ్‌ తమ ఇంటి బిడ్డ అని, ఆయన వ్యాఖ్యలు విజయకాంత్‌ను గుర్తుచేస్తున్నాయని ఆమె అన్నారు. ప్రేమలత మద్దతు అభిమానులకు సంతోషాన్ని కలిగిస్తోంది.
