తమిళనాడు (Tamil Nadu)లో వచ్చే ఏడాది జరగనున్న అసెంబ్లీ ఎన్నికల (Assembly Elections) నేపథ్యంలో మాజీ ముఖ్యమంత్రి జయలలిత (Jayalalithaa) సన్నిహితురాలు (Close Associate) శశికళ (Sasikala) రాజకీయంగా చురుగ్గా మారారు. ఇటీవలి పరిణామాలు తమిళ రాజకీయాల్లో కొత్త చర్చకు తెరతీశాయి.
అన్నాడీఎంకే (AIADMK) సీనియర్ నేత, మాజీ మంత్రి సెంగోట్టయన్ (Sengottaiyan) సంచలన వ్యాఖ్యలు చేశారు. సెంగోట్టయన్ ఎమ్మెల్యే గా తొమ్మిది సార్లు గెలిచారు. మూడు సార్లు మంత్రి గా చేశారు. పార్టీ నుంచి దూరమైన పన్నీర్ సెల్వం (Panneerselvam Selvam), టీటీవీ దినకరన్‌ (TTV Dhinakaran)లను పది రోజుల్లోగా తిరిగి పార్టీలోకి తీసుకోవాలని పళనిస్వామికి డెడ్‌లైన్ విధించారు. ఇది జయలలిత ఆశయాలను నెరవేర్చడానికి అవసరమని ఆయన పేర్కొన్నారు. అందరినీ కలుపుకుని వెళ్లకపోతే తీవ్ర పరిణామాలు ఉంటాయని హెచ్చరించారు.
శశికళ రాజకీయ వ్యూహం, సెంగోట్టయన్ హెచ్చరికలతో అన్నాడీఎంకేలో రాబోయే రోజుల్లో ఎలాంటి పరిణామాలు చోటు చేసుకుంటాయో వేచి చూడాలి. ఈ వ్యవహారం తమిళ రాజకీయాల్లో కొత్త సమీకరణలకు దారితీస్తుందని విశ్లేషకులు భావిస్తున్నారు.
