టీమిండియా పేసర్ మహమ్మద్ షమీ, భారత టెన్నిస్ స్టార్ సానియా మీర్జా పెళ్లి చేసుకోబోతున్నట్లు గతంలో తెగ ప్ర‌చారం జ‌రిగింది. ప్రస్తుతం వీరిద్ద‌రి పెళ్లి ఫొటోలు సోషల్ మీడియాలో వైరల్ అవుతున్నాయి. కానీ, ఈ ఫొటోలు నిజమైన‌వి కావు. కొంద‌రు ఆర్టిఫిషియ‌ల్ ఇంటెలిజెన్స్ (ఏఐ) సాయంతో వీరి ఫొటోలను ఎడిట్ చేసి, సోషల్ మీడియాలో పోస్టు చేశారు. ప్రస్తుతం ఇవి వైరల్ అవుతున్నాయి. ఏఐ ఫొటోలు అని తెలియ‌ని కొంద‌రు ఈ ఫొటోలు చూసి షాక్ అవుతున్నారు.
స్టార్స్‌ వ్యక్తిగత జీవితం
మహమ్మద్ షమీ ప్రస్తుతం తన కెరీర్ మీద దృష్టి పెట్టగా, సానియా మీర్జా తన కొడుకుతో కలిసి దుబాయ్‌లో నివసిస్తున్నారు. ఇద్దరు తమ వ్యక్తిగత జీవితాల్లోని సమస్యలను ఎదుర్కొంటూ తమ కెరీర్‌లపై దృష్టి సారిస్తున్నారు.
గతంలో వచ్చిన పుకార్లపై క్లారిటీ
వీరిద్ద‌రిపై ఇలాంటి పుకార్లు మొదటిసారమే కాదు. గతంలోనూ సానియా-షమీ వివాహంపై వార్తలు వచ్చినప్పుడు, సానియా తండ్రి ఇమ్రాన్ మీర్జా వీటిని ఖండించారు. ఇదే రూమర్‌పై షమీ కూడా “ఇది నా జీవితంలో విన్న అతి పెద్ద పుకారు” అంటూ వ్యంగ్యంగా స్పందించాడు.
ఫేక్ వార్తల ప్రభావం
సోషల్ మీడియాలో ఈ ఫేక్ ఫొటోలు వైరల్ కావడం వల్ల అభిమానులు కూడా గందరగోళానికి గురవుతున్నారు. సానియా, షమీ ఈ రూమర్లపై ఎలా స్పందిస్తారో వేచిచూడాల్సి ఉంది.
