స్టార్ హీరోయిన్ సమంత (Samantha), బాలీవుడ్ దర్శకుడు రాజ్ నిడిమోరు (Raj Nidimoru) మధ్య ఉన్న సంబంధంపై సోషల్ మీడియాలో చర్చ కొనసాగుతోంది. ఈ ఇద్దరూ తమ బంధం (Relationship) గురించి ఇప్పటివరకు ఎలాంటి అధికారిక ప్రకటన చేయకపోయినా, తరచూ కలిసి కనిపిస్తుండడంతో ఈ పుకార్లకు మరింత బలం చేకూరుతోంది.
తాజాగా, సమంత, రాజ్ నిడిమోరు ముంబై (Mumbai)లోని బాంద్రా (Bandra)లో ఒక జిమ్(Gym) నుండి కలిసి బయటకు వచ్చారు. ఇద్దరూ ఒకే రంగు దుస్తులు (లైట్ పింక్) ధరించి ఉండడం, కలిసి ఒకే కారులో వెళ్లడం వంటి దృశ్యాలు సామాజిక మాధ్యమాల్లో వైరల్ అవుతున్నాయి. ఇది మరోసారి సినీ వర్గాల్లో, నెటిజన్లలో హాట్ టాపిక్‌గా మారింది.
వీరిద్దరి సంబంధం గురించి గతంలో కూడా అనేక వార్తలు వచ్చాయి. వెకేషన్స్‌కు వెళ్లడం, కలిసి డిన్నర్లు చేయడం, ఆలయ సందర్శనలు, చేతులు పట్టుకుని ఫోటోలు దిగడం వంటి సంఘటనలు అభిమానుల్లో ఆసక్తిని పెంచాయి.
రాజ్ నిడిమోరు వ్యక్తిగత జీవితం:
రాజ్ నిడిమోరుకు ఇప్పటికే శ్యామాలి అనే మహిళతో వివాహమైంది. వీరికి ఒక కుమార్తె కూడా ఉంది. అయితే, కొద్ది రోజులుగా రాజ్, శ్యామాలి విడిపోతున్నారనే వార్తలు వచ్చినా, దీనిపై ఎవరూ అధికారికంగా స్పందించలేదు. శ్యామాలి తన సోషల్ మీడియాలో “నమ్మకం”, “విశ్వాసం” వంటి విషయాలపై సందేశాత్మక పోస్టులు పెడుతూ వార్తల్లో నిలుస్తున్నారు.
