లోక్‌సభ (Lok Sabha)లో ప్రతిపక్ష నాయకుడు, కాంగ్రెస్ నేత రాహుల్ గాంధీ (Rahul Gandhi) భారత ఎన్నికల కమిషన్ (ఈసీఐ) (Election Commission)పై తీవ్ర ఆరోపణలు చేస్తూ రాజకీయ వర్గాల్లో కలకలం సృష్టించారు. ఎక్స్ వేదిక‌గా చేసిన పోస్ట్‌లో ఎన్నికల సంబంధిత డేటాను 45 రోజుల్లోనే నాశనం చేయడం, పారదర్శకత (Transparency) లేకపోవడం వంటి అంశాలపై రాహుల్ గాంధీ ఆగ్రహం వ్యక్తం చేశారు. “ఓటర్ లిస్ట్? మెషిన్-రీడబుల్ ఫార్మాట్‌లో ఇవ్వరు. సీసీటీవీ ఫుటేజ్? చట్టం మార్చి దాచేశారు. ఎన్నికల ఫోటో-వీడియోలు? గతంలో ఏడాది ఉంచినా, ఇప్పుడు 45 రోజుల్లో డిలీట్ చేస్తున్నారు. ఇదంతా చూస్తే ఒకటే తెలుస్తోంది – మ్యాచ్ ఫిక్సయ్యింది! ఇలాంటి ఫిక్స్డ్ ఎన్నికలు ప్రజాస్వామ్యానికి విషం” అని రాహుల్ సంచలన వ్యాఖ్య‌లు చేశారు.
మహారాష్ట్ర ఎన్నికలపై ఆరోపణలు
రాహుల్ గాంధీ గతంలో 2024 మహారాష్ట్ర అసెంబ్లీ ఎన్నికల్లో (Assembly Elections) రిగ్గింగ్ (Rigging) జరిగినట్లు ఆరోపించారు. ఈ ఎన్నికల్లో ఓటర్ లిస్ట్‌లో ఫేక్ ఓటర్లను (Fake Voters) చేర్చడం, ఎన్నికల కమిషన్ నియామక ప్యానెల్‌ను రాజకీయంగా ప్రభావితం చేయడం, ఓటర్ టర్న్ఔట్‌ను అసహజంగా పెంచడం వంటి దశలవారీ కుట్ర జరిగినట్లు ఆయన ‘మ్యాచ్-ఫిక్సింగ్ మహారాష్ట్ర’ (Match-Fixing Maharashtra) అనే వ్యాసంలో వివరించారు. ఈ ఆరోపణల నేపథ్యంలో, ఎన్నికల కమిషన్ సమాధానాలు ఇవ్వకుండా సాక్ష్యాలను నాశనం చేస్తోందని రాహుల్ తాజా పోస్ట్‌లో ఆరోపించారు. మహారాష్ట్ర ఎన్నికల్లో లోక్‌సభ ఎన్నికలు (జూన్ 2024)తో పోలిస్తే ఐదు నెలల్లో 41 లక్షల మంది కొత్త ఓటర్లు జోడించబడ్డారని, ఇది అసహజమని ఆయన పేర్కొన్నారు.
45 రోజుల్లో డేటా నాశనం
ఎన్నికల కమిషన్ మే 30, 2025న రాష్ట్ర ఎన్నికల అధికారులకు జారీ చేసిన సూచనల్లో, ఎన్నికల ప్రక్రియకు సంబంధించిన సీసీటీవీ(CCTV), వెబ్‌కాస్టింగ్ (Webcasting), వీడియో ఫుటేజ్ (Video Footage)ను 45 రోజుల తర్వాత నాశనం చేయాలని ఆదేశించింది. ఈ నిర్ణయాన్ని ఈసీఐ (ECI) “వీడియో డేటా దుర్వినియోగం, తప్పుడు నివేదికలు” అనే కారణాలతో సమర్థించింది. అయితే, రాహుల్ గాంధీ ఈ చర్యను పారదర్శకతకు విరుద్ధమని, సాక్ష్యాలను నాశనం చేసే కుట్రలో భాగమని ఆరోపించారు. గతంలో ఈ డేటాను ఒక సంవత్సరం పాటు భద్రపరిచే నిబంధనను 45 రోజులకు తగ్గించడం వెనుక రాజకీయ ఒత్తిడి ఉందని కాంగ్రెస్ నేతలు విమర్శిస్తున్నారు.
ఎన్నికల కమిషన్ స్పందన
ఎన్నికల కమిషన్ రాహుల్ గాంధీ ఆరోపణలను “ఆధారరహితం, అసంబద్ధం” అని తోసిపుచ్చింది. సీసీటీవీ ఫుటేజ్‌ను బహిర్గతం చేయడం వల్ల ఓటర్ల గోప్యత భంగమవుతుందని, ఇది రాజకీయ పార్టీలు ఓటర్లను ఒత్తిడి చేయడానికి లేదా వేధించడానికి ఉపయోగించవచ్చని ఈసీఐ వాదించింది. అలాగే, ఓటర్ లిస్ట్‌లో చేర్పులు, తొలగింపులు రాజ్యాంగం, ప్రజాప్రాతినిధ్య చట్టం 1950, ఎలక్టర్ రిజిస్ట్రేషన్ రూల్స్ 1960 ప్రకారమే జరిగాయని, ఈ ప్రక్రియలో పార్టీల ప్రతినిధుల సమక్షంలో పారదర్శకత పాటించబడిందని ఈసీఐ వివరించింది. అయితే, రాహుల్ గాంధీ ఈసీఐ సమాధానాలను “సంతకం లేని, అస్పష్టమైన నోట్‌లు” అని విమర్శిస్తూ, పారదర్శక డేటా విడుదల చేయాలని డిమాండ్ చేశారు.
రాజకీయ చర్చ, విమర్శలు
రాహుల్ గాంధీ ఆరోపణలు రాజకీయంగా తీవ్ర చర్చను రేకెత్తించాయి. కాంగ్రెస్ అధ్యక్షుడు మల్లికార్జున్ ఖర్గే (Mallikarjun Kharge), పార్టీ నేతలు పవన్ ఖేరా (Pawan Khera), సుప్రియా శ్రీనేట్‌ (Supriya Shrinate)లు రాహుల్‌కు మద్దతు తెలిపారు. రాహుల్ గాంధీ డిమాండ్ చేసినట్లు ఈసీఐ ఓటర్ లిస్ట్‌లను డిజిటల్, మెషిన్-రీడబుల్ ఫార్మాట్‌లో, మహారాష్ట్ర పోలింగ్ బూత్‌ల సీసీటీవీ ఫుటేజ్‌ను విడుదల చేస్తుందా? లేదా మౌనం కొనసాగిస్తుందా? ఈ ప్రశ్నలు రాజకీయ వర్గాల్లో ఆసక్తికరంగా మారాయి. ఈ వివాదం బిహార్ అసెంబ్లీ ఎన్నికలు సమీపిస్తున్న తరుణంలో ఎన్నికల ప్రక్రియపై మరింత ఒత్తిడిని తెచ్చే అవకాశం ఉంది.
वोटर लिस्ट?
— Rahul Gandhi (@RahulGandhi) June 21, 2025
Machine-readable फ़ॉर्मेट नहीं देंगे।
CCTV फुटेज?
कानून बदलकर छिपा दी।
चुनाव की फोटो-वीडियो?
अब 1 साल नहीं, 45 दिनों में ही मिटा देंगे।
जिससे जवाब चाहिए था – वही सबूत मिटा रहा है।
साफ़ दिख रहा है – मैच फिक्स है। और फिक्स किया गया चुनाव, लोकतंत्र के लिए ज़हर है। pic.twitter.com/eYXAykO04p
