హైదరాబాద్ (Hyderabad) నగరంలోని అత్యంత రద్దీ ప్రాంతమైన నాంపల్లి (Nampally)లో శనివారం భారీ అగ్నిప్రమాదం (Massive Fire Accident) చోటుచేసుకుంది. నాంపల్లి ప్రధాన రహదారిపై ఉన్న నాలుగు అంతస్తుల కమర్షియల్ భవనంలోని సెల్లార్లో ఉన్న హోల్సేల్ ఫర్నిచర్ షాపు (Wholesale Furniture Shop)లో ఒక్కసారిగా మంటలు చెలరేగాయి. ఫర్నిచర్ సామాగ్రి అధికంగా ఉండటంతో మంటలు నిమిషాల వ్యవధిలోనే భవనం మొత్తం వ్యాపించాయి.
దట్టమైన పొగలు పరిసరాలను కమ్మేయడంతో స్థానికులు తీవ్ర భయాందోళనకు గురయ్యారు. ప్రమాద సమయంలో భవనంలో పిల్లలు చిక్కుకున్నట్లు సమాచారం రావడంతో ఉద్రిక్తత నెలకొనగా, స్థానిక యువకులు సాహసం చేసి వారిని సురక్షితంగా బయటకు తీసుకువచ్చారు.
సమాచారం అందుకున్న వెంటనే నాలుగు అగ్నిమాపక వాహనాలు (Four Fire Tenders) ఘటనా స్థలానికి చేరుకున్నప్పటికీ, భవనం ఇరుకైన సందులో ఉండటం, సెట్బ్యాక్ (Setback Space) లేకపోవడం వల్ల మంటలను అదుపు చేయడం కష్టంగా మారింది. అగ్నిమాపక సిబ్బంది పక్క భవనాల గోడలపైకి ఎక్కి ప్రాణాలకు తెగించి మంటలను అదుపు చేసే ప్రయత్నం చేశారు.
ఈ ఘటన కారణంగా నాంపల్లి–అబిడ్స్ మార్గంలో భారీగా ట్రాఫిక్ జామ్ ఏర్పడగా, ట్రాఫిక్ పోలీసులు వాహనాలను మళ్లించారు. గంటల తరబడి శ్రమించిన అనంతరం మంటలు అదుపులోకి వచ్చాయి. భారీ ఆస్తి నష్టం జరిగినప్పటికీ, ప్రాణనష్టం జరగకపోవడంతో అధికారులు, స్థానికులు ఊపిరి పీల్చుకున్నారు.
