సంక్రాంతి పండుగ సమీపించడంతో పందెం కోళ్లకు డిమాండ్‌ ఆకాశాన్ని తాకుతోంది. కానీ, ఈ ఏడాది నాటుకోళ్ల పాలిట అంతుచిక్కని వైరస్ మహమ్మారిగా మారింది. పెంపకం దారులు సంక్రాంతి ప్రత్యేకంగా సిద్ధం చేసిన పందెం కోళ్లు గిలగిలా కొట్టుకుంటూ మరణిస్తుండటంతో వారిపై ఆర్థిక భారం పెరిగింది.
వైరస్ ప్రభావం
గుడ్లవల్లేరు, కౌతవరంలో కేవలం రెండు రోజుల్లోనే 215 పందెం కోళ్లు మృత్యువాత పడ్డాయి. కోళ్లు ఆకస్మాత్తుగా కింద పడిపోవడం, గిలగిలా రెక్కలు కొట్టుకుంటూ రెండు గంటల్లో ప్రాణాలు విడవడం వంటి లక్షణాలు కనిపిస్తున్నాయి. రాత్రి పూట గాబుల్లోకి వెళ్లిన కోళ్లు తెల్లారేసరికి చనిపోయిన ఘటనలు పెంపకం దారుల్లో తీవ్ర ఆందోళనకు కారణమయ్యాయి.
పెంపకం దారుల ఆవేదన
నాటుకోళ్ల పెంపకమే జీవనాధారంగా ఉన్న రైతులు లక్షల్లో నష్టపోయారు. వైరస్ వ్యాప్తిని కట్టడి చేయడానికి వెటర్నరీ వైద్యులు మందులు ఉన్నాయని చెబుతున్నా, వ్యాధిని పూర్తిగా నియంత్రించడంలో ఇంకా సవాళ్లు ఎదురవుతున్నాయి.
సంక్రాంతి కైంకర్యాలపై ప్రభావం
పండగ కోసం కుటుంబ సభ్యులు, బంధుమిత్రులకు ప్రత్యేకంగా సిద్ధం చేసే నాటుకోళ్ల వంటలు ఇప్పుడు దూర‌మ‌య్యే ప్రమాదం ఉందని పెంపకం దారులు భావిస్తున్నారు. అంతుచిక్కని ఈ వైరస్‌తో ఇళ్ల వద్ద కూడా పెరిగే కోళ్లకు ప్ర‌త్యేక జాగ్ర‌త్త‌లు తీసుకోవాల్సిన ప‌రిస్థితి ఏర్పడింది.
