టాలీవుడ్ సూపర్ స్టార్ మహేష్ బాబు, దర్శక దిగ్గజం రాజమౌళి కాంబినేషన్‌లో ఒక భారీ ప్రాజెక్ట్ రాబోతోందన్న వార్త అభిమానులను ఉత్సాహపరుస్తోంది. ‘SSMB 29’ అనే వర్కింగ్ టైటిల్‌తో ఈ సినిమా నిర్మిస్తున్నారు. ప్ర‌స్తుతం సినిమాకు సంబంధించిన స్క్రిప్టు రైటింగ్‌లో రాజమౌళి, అందుకు సంబంధించిన ప‌నుల్లో మహేష్ బిజీగా ఉన్నారు. కాగా, ఈ సినిమా షూటింగ్ వచ్చే ఏడాది సంక్రాంతి పండుగ త‌రువాత ప్రారంభం అవుతుందనే టాక్ ఇండస్ట్రీలో చక్కర్లు కొడుతోంది.
మహేష్ ఇంట్రో కోసం ప్రత్యేక సెట్?
తాజాగా, ఈ సినిమాకు సంబంధించిన మరో ఆసక్తికర వార్త సోషల్ మీడియాలో వైరల్ అవుతోంది. మహేష్ బాబు ఇంట్రడక్షన్ కోసం రాజమౌళి ప్రత్యేకంగా ఓ లొకేషన్ డిజైన్ చేసి, భారీ సెట్ వేస్తున్నారని సమాచారం. ఈ రూమర్ వల్ల అభిమానుల్లో ఈ సినిమాపై అంచనాలు అమాంతం పెరిగాయి. రాజమౌళి అందించే విజువల్ ఎఫెక్ట్స్ మరియు మహేష్ బాబు ఎనర్జీ కలయికతో ఈ సినిమా ప్రేక్షకులకు నయా అనుభూతిని అందించే అవకాశం ఉందని అందరూ ఆశిస్తున్నారు.
