ఇండియన్ సినిమా చరిత్రలోనే అత్యంత ప్రతిష్టాత్మకంగా రూపొందుతున్న ప్రాజెక్ట్గా మహేష్ బాబు (Mahesh Babu) – రాజమౌళి (Rajamouli) కాంబినేషన్ మూవీ “వారణాసి”(Varanasi) పరిణమిస్తోంది. టైటిల్ లాంచ్తోనే పాన్ వరల్డ్ స్థాయిలో సంచలనం సృష్టించిన ఈ చిత్రం, ఇప్పటివరకు ఎప్పుడూ చూడని విజువల్ స్కేల్తో వస్తోందని టాక్.
భారీ అంచనాలు, ఊహకందని సెట్టింగ్స్, రాజమౌళి మెగావిజన్ కలగలిపి ఈ చిత్రాన్ని ప్రపంచ సినీ వర్గాల దృష్టిని ఆకర్షించేలా చేశాయి. సినిమా గురించిన ప్రతి చిన్న అప్డేట్ కూడా సోషల్ మీడియాలో ట్రెండ్ అవుతున్న రీతిని చూస్తే, ‘వారణాసి’ ఏ స్థాయిలో ఉండబోతోందో స్పష్టంగా అర్థమవుతోంది.
ఇక తాజా వార్త మాత్రం అభిమానుల్లో మరింత ఉత్సుకత రేపుతోంది. మహేష్ బాబు ఈ సినిమాలో కేవలం ‘రుద్ర’ (Rudra) మరియు ‘శ్రీరాముడు’ (Sri Ramudu) పాత్రల్లోనే కాకుండా మొత్తం ఐదు (Five) విభిన్న గెటప్స్ (Different Getups)లో కనిపించనున్నారనే హాట్ టాక్ సినీ వర్గాల్లో హల్చల్ చేస్తోంది. ఇందులో మరో మూడు లుక్స్ పూర్తిగా సర్ప్రైజ్గా ఉండబోతున్నాయని ప్రచారం.
రాజమౌళి గత చిత్రాల్లో హీరోల ట్రాన్స్ఫర్మేషన్స్ ఎలా సంచలనాలు సృష్టించాయో చూస్తే, మహేష్కు ఇలాంటి ఫైవ్ అవతార్స్ ఇవ్వడం అభిమానులకు నిజంగా పండగే. ఇంకా ఈ విషయంపై అధికారిక ప్రకటన రాకపోయినా, ఈ రూమర్ సోషల్ మీడియాలో రచ్చరచ్చ చేస్తోంది. ‘వారణాసి’ గురించి బయటికొస్తున్న ప్రతి వార్త, ప్రేక్షకుల అంచనాలను మరింత పెంచేస్తోంది.
