సినిమా అవకాశాల కోసం ఏళ్ల తరబడి స్టూడియోల చుట్టూ తిరిగేవారు చాలామంది ఉంటారు. అదే సమయంలో, అనుకోకుండా సినిమా రంగంలోకి అడుగుపెట్టేవారూ బోలెడంత మంది ఉన్నారు. వారిలో ఒకరు కుంభమేళా (Kumbh Mela) వైరల్ గర్ల్ (Viral Girl) మోనాలిసా (Monalisa). కుంభమేళాలో పూసలు (Beads) అమ్ముకుంటూ కనిపించిన ఈమె, సోషల్ మీడియా పుణ్యమా అని ఒక్కసారిగా సెలబ్రిటీగా మారిపోయింది. అనూహ్యంగా సినిమా అవకాశాలు ఆమె తలుపుతట్టాయి.
కుంభమేళాతో పాపులర్ అయిన వైనం
కుంభమేళా వీడియో ద్వారా పాపులర్ అయిన తర్వాత, షాప్ ఓపెనింగ్‌ (Shop Openings)లకు అతిథిగా రావాలంటూ మోనాలిసా (Monalisa)కు ఆహ్వానాలు అందాయి. ఈ అవకాశాలను చూసి ఆమె సంతోషించింది. జీవితం ఇచ్చిన ఈ అవకాశాన్ని ఎందుకు వదులుకోవాలని ఆలోచించి, అన్నింటినీ నవ్వుతూ అంగీకరించింది. ఇటీవల ఆమె నటించిన మొదటి పాట ‘సాద్‌గి’ (‘Saadgi’) విడుదలైంది. ఈ పాటలో మోనాలిసా మరింత అందంగా కనిపించింది. అయితే, ఆమె నటన ఇంకా మెరుగుపడాల్సిన అవసరం ఉందని కొన్ని కామెంట్లు వినిపించాయి. కెమెరా ముందు నటించడం ఆమెకు అదే తొలిసారి కావడంతో ఈ కామెంట్లు వచ్చాయి.
“నా ఫ్రెండ్.. కెమెరా”
ఈ కొత్త అనుభవం గురించి మోనాలిసా మాట్లాడుతూ, “సింగర్ (Singer) ఉత్కర్ష్ శర్మ (Utkarsh Sharma) సార్ తన పాటలో నటించమని అడగ్గానే ముందు మా ఇంట్లో మాట్లాడమన్నాను. వారు ఓకే అన్న తర్వాతే నేను అందులో యాక్ట్ చేశాను. అలాగే పాట కూడా నాకు ఎంతగానో నచ్చింది. ఇప్పుడు కెమెరానే నా ఫ్రెండ్. కెమెరా ముందు కళ్లతోనే భావాలు పలికించడం, డ్యాన్స్ చేయడం కొత్తగా, బాగుంది” అని చెప్పుకొచ్చింది.
కోటి రూపాయల కారులో మోనాలిసా
ఇదిలా ఉండగా, తాజాగా మోనాలిసా ఖరీదైన కారు (Expensive Car)లో కూర్చున్న ఫోటో ఒకటి నెట్టింట వైరల్ అవుతోంది. ఈ కారు ధర దాదాపు రూ.1 కోటి ఉండొచ్చని అంచనా వేస్తున్నారు. కేవలం రూ.100కు పూసల దండలు అమ్ముకున్న మోనాలిసా ఇప్పుడు కోటి విలువైన కారులో తిరుగుతుండటం చూసి ఆమె అభిమానులు సంతోషంగా ఫీలవుతున్నారు. మోనాలిసా ప్రస్తుతం ‘ది డైరీ ఆఫ్ మణిపూర్’ (The Diary Of Manipur) అనే సినిమాలో నటిస్తోంది.
