ఐపీఎల్ 2025 సీజన్‌లో ముంబై ఇండియన్స్ జట్టులో కీలక మార్పులు చోటుచేసుకున్నాయి. స్టార్ ఆల్‌రౌండర్ హార్దిక్ పాండ్యా తన స్థానంలో సూర్యకుమార్ యాదవ్ కెప్టెన్‌గా వ్యవహరించనున్నట్టు ప్రకటించాడు. 2024 ఐపీఎల్ సీజన్‌లో హార్దిక్ కెప్టెన్‌గా ఉన్నప్పటికీ, కొత్త సీజన్‌లో సూర్యకు ఆ బాధ్యతలను అప్పగించారు.
ఈ విషయాన్ని హార్దిక్ స్వయంగా తన ఎక్స్ (ట్విట్ట‌ర్‌) అకౌంట్ ద్వారా వెల్లడించాడు. ముంబై ఇండియన్స్ తమ తొలి మ్యాచ్‌ను చెన్నై సూపర్ కింగ్స్‌తో ఆడనున్న నేపథ్యంలో, సూర్యకుమార్ యాదవ్ ఆ మ్యాచ్‌కు నాయకత్వం వహించనున్నాడు. ఈ నిర్ణయం జట్టు వ్యూహంలో ఏమైనా మార్పున‌కు దారి తీస్తుందా? అనేది అభిమానుల్లో ఆసక్తికర చర్చకు దారితీస్తోంది.
