2025 సీజన్‌కు సంబంధించి ఎండు కొబ్బరికి కనీస మద్దతు ధర (MSP)ను కేంద్రం భారీగా పెంచింది. రూ.422 పెరుగుదలతో క్వింటాల్ ధర ఇప్పుడు రూ.12,100కి చేరింది. ఈ నిర్ణయంతో దేశవ్యాప్తంగా కొబ్బరి రైతులకు పెద్ద ఊరట లభించనుంది.
ఇందుకోసం కేంద్ర ప్రభుత్వం రూ.855 కోట్లను కేటాయించింది. అదనంగా, బంతి కొబ్బరికి కూడా రూ.100 పెంపు చేయనున్నట్లు ప్రకటించింది. దేశంలో ఎండు కొబ్బరి ఉత్పత్తిలో కర్ణాటక రాష్ట్రం 32.7%తో అగ్రస్థానంలో ఉండగా, ఆంధ్రప్రదేశ్ 7.7% కలిగి ఉంది.
రైతులకు ప్రయోజనం
ఈ కొత్త నిర్ణయంతో రైతుల ఆదాయాన్ని పెంచడం, వాణిజ్య విలువను బలోపేతం చేయడం కేంద్రం లక్ష్యంగా ఉంది. మార్కెట్లో కొబ్బరి ధరల పెరుగుదలతో పాటు రైతులకు మద్దతు మరింత మెరుగవుతుందని ఆశిస్తున్నారు.
