అంతర్జాతీయ క్రికెట్ మండలి (ఐసీసీ) (ICC) విడుదల చేసిన తాజా ర్యాంకింగ్స్ (Ranking)లో భారత ఆటగాళ్లు అగ్రస్థానంలో కొనసాగుతున్నారు. టీ20 ఫార్మాట్‌లో బ్యాటింగ్, బౌలింగ్, ఆల్‌రౌండర్ విభాగాల్లో టీమిండియా ప్లేయర్స్ అగ్రస్థానంలో నిలిచారు.
బ్యాటింగ్ ర్యాంకింగ్స్
టీమిండియా (Team India) ఓపెనర్ అభిషేక్ శర్మ (Abhishek Sharma) తన నంబర్ 1 స్థానాన్ని నిలబెట్టుకున్నాడు. ఆసియా కప్ (Asia Cup) 2025లో ఒమన్‌పై 38, పాకిస్థాన్‌పై 74 పరుగులు చేసి, తన కెరీర్‌లోనే అత్యుత్తమంగా 907 రేటింగ్ పాయింట్లను సాధించాడు.రెండో స్థానంలో ఇంగ్లండ్ ఓపెనర్ ఫిల్ సాల్ట్ (844) ఉన్నాడు. మూడో స్థానంలో తిలక్ వర్మ (791), సూర్యకుమార్ యాదవ్ (729) ఆరో స్థానంలో ఉన్నారు.
బౌలింగ్ ర్యాంకింగ్స్
వరుణ్ చక్రవర్తి అద్భుతంగా రాణిస్తూ 14 పాయింట్లు పెంచుకుని 747 రేటింగ్ పాయింట్లతో అగ్రస్థానంలో నిలిచాడు. టాప్ 5లో జాకబ్ డఫీ (717), అకేల్ హోసిన్ (707), అబ్రార్ అహ్మద్ (703), ఆడమ్ జంపా (700) ఉన్నారు. అబ్రార్ ఏకంగా 12 స్థానాలు ఎగబాకి నాలుగో ర్యాంక్‌కు చేరుకోవడం విశేషం.
ఆల్‌రౌండర్ ర్యాంకింగ్స్
ఆల్‌రౌండర్ల విభాగంలో హార్దిక్ పాండ్యా (238) తన అగ్రస్థానాన్ని నిలబెట్టుకున్నాడు. మహమ్మద్ నబీ (231), సికందర్ రాజా (212) తర్వాత స్థానాల్లో ఉన్నారు.
