అంతర్జాతీయ క్రికెట్ మండలి (ఐసీసీ) ((ICC) తాజాగా విడుదల చేసిన వన్డే ర్యాంకింగ్స్‌ (ODI Rankings) లో భారత (Indian) ఆటగాళ్లు అద్భుత ప్రదర్శన కనబరిచారు. ముఖ్యంగా, కొన్నాళ్లుగా వన్డేలు పెద్దగా ఆడకపోయినా, భారత కెప్టెన్ రోహిత్ శర్మ (Rohit Sharma) తన స్థానాన్ని నిలబెట్టుకుని సంచలనం సృష్టించాడు.
టాప్ 5లో భారతీయుల ఆధిపత్యం
శుభ్‌మన్‌ గిల్ (Shubman Gill) : యువ సంచలనం శుభ్‌మన్‌ గిల్ 784 రేటింగ్ పాయింట్లతో అగ్రస్థానంలో కొనసాగుతున్నాడు
రోహిత్ శర్మ (Rohit Sharma) : ఇటీవల అంతగా వన్డే మ్యాచ్‌లు ఆడకపోయినా, రోహిత్ శర్మ 756 పాయింట్లతో రెండో స్థానానికి ఎగబాకాడు. గతంలో మూడో స్థానంలో ఉన్న రోహిత్, ఇప్పుడు ఒక స్థానం పైకి వచ్చాడు.
విరాట్ కోహ్లీ (Virat Kohli) : టీమిండియా స్టార్ బ్యాట్స్‌మెన్ విరాట్ కోహ్లీ 736 పాయింట్లతో నాలుగో స్థానంలో నిలిచాడు.
బాబర్ అజామ్ (Babar Azam) : వెస్టిండీస్‌తో సిరీస్‌లో విఫలమైన పాకిస్థాన్ ఆటగాడు బాబర్ అజామ్ (751 పాయింట్లు) మూడో స్థానానికి పడిపోయాడు.
టాప్ 10లో నలుగురు భారత ఆటగాళ్లు
టాప్-10 ర్యాంకింగ్స్‌లో మొత్తం నలుగురు భారత ఆటగాళ్లు ఉండడం విశేషం. శ్రేయస్ అయ్యర్ 708 పాయింట్లతో ఎనిమిదో స్థానంలో ఉన్నాడు. కేఎల్ రాహుల్ 638 పాయింట్లతో 15వ స్థానంలో కొనసాగుతున్నాడు. మిగిలిన టాప్-10 స్థానాల్లో డారిల్ మిచెల్, చరిత్ అసలంక, హ్యారీ టెక్టర్, ఇబ్రహీం జద్రాన్, కుశాల్ మెండిస్ ఉన్నారు.
రోహిత్, కోహ్లీల భవిష్యత్ ప్రణాళిక
ఇటీవల టీ20, టెస్ట్ ఫార్మాట్‌ల నుంచి రిటైర్మెంట్ ప్రకటించిన రోహిత్, కోహ్లీలు ఇప్పుడు వన్డే క్రికెట్‌పై పూర్తిగా దృష్టి సారించారు. అక్టోబర్ 19 నుంచి 25 వరకు భారత్, ఆస్ట్రేలియా మధ్య జరగనున్న మూడు వన్డేల సిరీస్‌కు వీరిద్దరూ సన్నద్ధమవుతున్నారు. 2023 నుంచి వన్డేల్లో రోహిత్ 61.47 సగటుతో 1702 పరుగులు చేశాడు, అతని స్ట్రైక్ రేట్ 117గా ఉంది.
