ఆంధ్రప్రదేశ్ (Andhra Pradesh) గోదావరి-బనకచర్ల (Godavari-Banakacharla) ప్రాజెక్ట్ (Project)ను ఉద్దేశిస్తూ తెలంగాణ (Telangana) ముఖ్యమంత్రి (Chief Minister) రేవంత్ రెడ్డి (Revanth Reddy)పై మాజీ మంత్రి తీవ్ర విమర్శలు గుప్పించారు. రేవంత్ రెడ్డి తెలంగాణ‌పై చిత్తశుద్ధి లేకుండా, ఏపీ ముఖ్యమంత్రి చంద్రబాబు నాయుడి (Chandrababu Naidu)తో చీకటి ఒప్పందం (Secret Agreement) కుదుర్చుకున్నారని, ఇది తెలంగాణ నీటి హక్కులకు “మరణశాసనం” రాసినట్లుందని ఆరోపించారు. జూలై 2న తెలంగాణ భవన్‌ (Telangana Bhavan)లో జరిగిన మీడియా సమావేశంలో హరీష్ రావు (Harish Rao) తీవ్ర స్ధాయిలో మండిప‌డ్డారు.
రేవంత్ రెడ్డి గతంలో చంద్రబాబు కోసం “బ్యాగ్ మెన్”గా పనిచేసి, ఇప్పుడు బనకచర్ల కోసం “బొంకు మెన్”గా మారారని సెటైర్లు పేల్చారు. రేవంత్ రెడ్డి టెక్నికల్‌గా కాంగ్రెస్ సీఎంగా ఉన్నప్పటికీ, ఆయన మనసు టీడీపీ, బీజేపీలతోనే ఉందని, “స్కూల్ బీజేపీ, కాలేజ్ టీడీపీ, ఉద్యోగం కాంగ్రెస్” అని ఆయనే చెప్పినట్లు గుర్తుచేశారు. రేవంత్ రెడ్డి జూన్ 18న ఇచ్చిన ప్రజెంటేషన్‌ను “అమరావతిలో ఇచ్చినట్టుగా” ఉందని, దానిని చంద్రబాబు రూపొందించినట్లు అనిపించిందని ఆరోపించారు.
బనకచర్ల ప్రాజెక్ట్‌కు సంబంధించిన ప్రతిపాదనలు ఎక్కడా చూపించకుండా, అసత్య ప్రచారంతో ప్రజలను తప్పుదోవ పట్టించే ప్రయత్నం చేస్తున్నారని విమర్శించారు. 2016లో జరిగిన అపెక్స్ కౌన్సిల్ సమావేశంలో బనకచర్ల, పెన్నా నది గురించి ఎటువంటి ప్రస్తావన లేదని, ఏపీకి నీటిని రాసిచ్చినట్లు ఎక్కడా లేదని స్పష్టం చేశారు. బీఆర్ఎస్ హయాంలో కేసీఆర్ గోదావరి, కృష్ణా నదుల జలాలను శ్రీశైలం, నాగార్జున సాగర్ ప్రాజెక్ట్‌ల ద్వారా తరలించాలని ప్రతిపాదించినట్లు, ఈ అంశంపైనే చంద్రబాబు, జగన్‌లతో చర్చలు జరిపినట్లు తెలిపారు.
రేవంత్‌రెడ్డి, ఉత్తమ్ కుమార్ రెడ్డిలు చంద్రబాబును కలిసిన తర్వాతే బనకచర్ల ప్రాజెక్ట్ పనులు వేగవంతమయ్యాయని, ఉత్తమ్ “బెజవాడకు వెళ్లి బజ్జీలు తిని బనకచర్లకు జెండా ఊపారని” హరీష్ రావు వ్యంగ్యాస్త్రాలు సంధించారు. చంద్రబాబు నవంబర్, డిసెంబర్ 2024లో కేంద్రానికి రాసిన లేఖల్లో బనకచర్లకు నిధులు కోరిన విషయాన్ని బీఆర్ఎస్ జనవరి 2025లో బయటపెట్టిన తర్వాతే కాంగ్రెస్ లేఖలు రాయడం ప్రారంభించిందని ఆరోపించారు. బీఆర్ఎస్ బనకచర్లపై పోరాడుతుండగా, కాంగ్రెస్ “మొద్దు నిద్ర”లో ఉందని, రేవంత్, ఉత్తమ్ కలిసిన తర్వాతే కేంద్రానికి లేఖలు రాశారని విమర్శించారు.
రేవంత్ రెడ్డి బీఆర్ఎస్‌ను “చచ్చిన పాము” అని పిలుస్తూనే, ఆ పార్టీ గురించి కలవరిస్తున్నాడ‌న్నారు. అహంకారంతో మాట్లాడితే ప్రజలు “పాతాళానికి తొక్కేస్తారని” హెచ్చరించారు. బనకచర్ల ప్రాజెక్ట్‌ను అడ్డుకోవడానికి బీఆర్ఎస్ అలుపెరగని పోరాటం చేసిందని, పర్యావరణ అనుమతులు తిరస్కరించే వరకు పోరాడినట్లు తెలిపారు. తెలంగాణ నీటి హక్కులను కాపాడేందుకు అసెంబ్లీలో బహిరంగ చర్చకు సిద్ధమని, అన్ని ఆధారాలతో వస్తామని రేవంత్ రెడ్డికి సవాల్ విసిరారు. ఈ వివాదం తెలంగాణ, ఆంధ్రప్రదేశ్ మధ్య నీటి వివాదంలో కీలక చర్చనీయాంశంగా మారింది, రాజకీయంగా కూడా తీవ్ర ఉద్రిక్తతలను రేకెత్తిస్తోంది.
