కర్నూలు జిల్లా ఆదోని పట్టణంలోని సంతోష్ పత్తి జిన్నింగ్ అండ్ ప్రెస్సింగ్ మిల్లులో షార్ట్ సర్కూట్ కారణంగా భారీ అగ్ని ప్రమాదం చోటుచేసుకుంది. ఈ ఘటనలో పత్తి, పత్తి బేళ్లు, మరియు పత్తి గింజలు పూర్తిగా దగ్ధమయ్యాయి. మిల్లు యజమాని సమాచారం ప్రకారం ఈ అగ్ని ప్రమాదం కారణంగా మొత్తం నష్టం రూ. 8.8 కోట్లుగా అంచనా వేస్తున్నారు.
అగ్నిప్రమాదంపై సమాచారం అందుకున్న వెంటనే అగ్నిమాపక సిబ్బంది ఘటనా స్థలానికి చేరుకుని మంటలను అదుపు చేయడానికి ప్రయత్నిస్తున్నారు. ప్రస్తుతానికి మంటలు కొంతమేర అదుపులోకి వచ్చినప్పటికీ, పూర్తిగా అదుపులోకి తెచ్చేందుకు కృషి చేస్తున్నారు.
నష్టనివారణపై చర్యలు
ప్రమాదానికి కారణమైన షార్ట్ సర్క్యూట్ గురించి అధికారులు దర్యాప్తు చేస్తున్నారు. యజమానులు ఆర్థికంగా నష్టపోయినందున, ప్రభుత్వం నుండి నష్టపరిహారం అందించేందుకు సంబంధిత అధికారులతో చర్చలు జరుగుతున్నాయి.
