ఫుట్బాల్ (Football).. కేవలం 90 నిమిషాల ఆట(Game) మాత్రమే కాదు, అంతకుమించిన భావోద్వేగం (Emotion). మైదానంలోకి దిగాక చరిత్ర, పాత రికార్డులు, స్టార్ ఇమేజ్ ఏవీ పనిచేయవు. ఆ క్షణంలో ఎవరు అత్యుత్తమంగా ఆడారనేదే ముఖ్యం. ఫుట్బాల్ ప్రపంచంలో ఎవరికీ సాధ్యం కాని రికార్డులు ఉన్న దిగ్గజ జట్లకు, యువ ఆటగాళ్లతో దూసుకుపోతున్న చిన్న జట్లు గట్టి షాకిస్తున్నాయి. నిన్న మొన్నటి వరకు అండర్ డాగ్స్గా భావించిన జట్లు, ఇప్పుడు సరికొత్త చరిత్ర (New History) లిఖిస్తున్నాయి.
పరాగ్వే చేతిలో జర్మనీకి ఘోర పరాభవం
ఫిఫా వరల్డ్ కప్ (FIFA World Cup) చరిత్రలోనే అత్యంత పెద్ద సంచలనాలలో ఒకటిగా నిలిచేలా పరాగ్వే జట్టు (Paraguay Team) జర్మనీని (Germany) నాకౌట్ రేస్ (Knockout Stage) నుండి ఇంటికి పంపింది. తీవ్ర ఉత్కంఠ భరితంగా సాగిన ఈ రౌండ్ ఆఫ్ 32 మ్యాచ్లో నిర్ణీత సమయానికి ఇరు జట్లు 1-1 తో సమంగా నిలిచాయి. 42వ నిమిషంలో పరాగ్వే యువ స్టార్ జూలియో ఎన్సిసో (Julio Enciso) గోల్ చేయగా, జర్మనీ తరపున కై హావెర్ట్జ్(Kai Havertz) 54వ నిమిషంలో ఈక్వలైజర్ సాధించాడు.
పెనాల్టీ షూటౌట్లో పరాగ్వే అద్భుతమైన ప్రతిభను ప్రదర్శించి 4-3 తేడాతో జర్మనీని ఓడించింది. ఈ పరాజయంతో జర్మనీ టోర్నమెంట్ నుండి నిష్క్రమించగా, పరాగ్వే రౌండ్ ఆఫ్ 16కు దూసుకెళ్లింది.
నెదర్లాండ్స్కు షాకిచ్చిన మొరాకో
గత ప్రపంచకప్లో సెమీఫైనల్(Semi-final) చేరి సంచలనం సృష్టించిన మొరాకో(Morocco), ఈసారి కూడా తమ జోరును కొనసాగిస్తూ యూరప్ దిగ్గజం నెదర్లాండ్స్ను(Netherlands) టోర్నమెంట్ నుండి అవుట్ చేసింది. 72వ నిమిషంలో నెదర్లాండ్స్ స్టార్ కోడి గ్యాక్పో (Cody Gakpo) గోల్ చేసి జట్టును గెలిపించినంత పని చేశాడు. అయితే, మొరాకో ఆటగాళ్లు పట్టు వదలకుండా ఇంజూరీ టైమ్లో ఇస్సా డియోప్ హెడర్ ద్వారా గోల్ సాధించి మ్యాచ్ను ఎక్స్ట్రా టైమ్కు తీసుకెళ్లారు.
పెనాల్టీ షూటౌట్లో మొరాకో 3-2 తేడాతో నెదర్లాండ్స్ను ఓడించి, 2026 వరల్డ్ కప్లో రౌండ్ ఆఫ్ 16 చేరిన మొదటి ఆఫ్రికన్ దేశంగా రికార్డు సృష్టించింది.
బ్రెజిల్కు చెమటలు పట్టించిన జపాన్
ఐదుసార్లు ప్రపంచ ఛాంపియన్ అయిన బ్రెజిల్కు (Brazil) ఆసియా పవర్హౌస్ జపాన్ గట్టి పోటీ ఇచ్చింది. కేవలం తృటిలో బ్రెజిల్ ఘోర పరాభవం నుండి తప్పించుకుంది. మ్యాచ్ 29వ నిమిషంలో జపాన్ మిడ్ఫీల్డర్ కైషు సానో బాక్స్ వెలుపల నుండి కొట్టిన అద్భుతమైన షాట్ బ్రెజిల్ గోల్కీపర్ అలిసన్ను దాటుకుంటూ నెట్లోకి దూసుకెళ్లింది. దీనితో జపాన్ 1-0 తో హాఫ్ టైమ్ వరకు లీడ్లో నిలిచింది.
56వ నిమిషంలో కాసిమిరో హెడర్ ద్వారా బ్రెజిల్కు ఈక్వలైజర్ అందించాడు. మ్యాచ్ డ్రాగా ముగుస్తుంది అనుకుంటున్న తరుణంలో, ఇంజూరీ టైమ్ 95వ నిమిషంలో గాబ్రియేల్ మార్టినెల్లి క్లినికల్ గోల్ చేసి బ్రెజిల్ను 2-1 తో గెలిపించి గండం గట్టెక్కించాడు. జపాన్ ఓడిపోయినప్పటికీ వారి డిఫెన్స్, కౌంటర్ అటాకింగ్ శైలి ప్రపంచవ్యాప్తంగా ప్రశంసలు అందుకుంది.
చరిత్ర సృష్టించిన కెనడా
కోచ్ జెస్సీ మార్ష్ ఆధ్వర్యంలో కెనడా సరికొత్త చరిత్రను సృష్టించింది. రౌండ్ ఆఫ్ 32 ప్రారంభ మ్యాచ్లో సౌత్ ఆఫ్రికాను 1-0 తేడాతో ఓడించి, కెనడా ఫుట్బాల్ చరిత్రలోనే మొట్టమొదటిసారిగా రౌండ్ ఆఫ్ 16 దశకు అర్హత సాధించింది. 92వ నిమిషంలో స్టీఫెన్ యుస్టాకియో చేసిన గోల్ కెనడాను విజేతగా నిలిపింది.
ఈ 2026 మెగా టోర్నమెంట్లో 48 జట్లు పాల్గొనేలా ఫార్మాట్ విస్తరించడం చిన్న దేశాలకు గొప్ప వరంగా మారింది. ఆఫ్రికా ఖండం నుండి రికార్డు స్థాయిలో 9 జట్లు నాకౌట్ దశకు చేరుకోగా.. కెనడా, కేప్ వెర్డే, డీఆర్ కాంగో వంటి జట్లు తొలిసారి రౌండ్ ఆఫ్ 32 లో అడుగుపెట్టి సత్తా చాటుతున్నాయి. శారీరక బలం కంటే వ్యూహాత్మక డిఫెన్స్, మెరుపు వేగంతో కౌంటర్ అటాక్స్, పెనాల్టీ షూటౌట్లలో ఒత్తిడిని జయించడమే ఈ కుర్ర జట్ల విజయ రహస్యాలుగా కనిపిస్తున్నాయి.
