అనంతపురం జిల్లా వజ్రకరూరు మండలం చాబాలలో దళారులు, హమాలీలపై రైతులు తిరగబడ్డారు. ఆరుగాలం కష్టించి పండించిన పంటను అమ్ముకునే సమయంలో తూకాల్లో వ్యత్యాసం ఏర్పడడం ఇందుకు కారణం. చాబాలలో కంది రైతులు దళారులు, హమాలీల తీరుపై తీవ్రంగా ఆగ్రహం వ్యక్తం చేశారు. పంట కొనుగోళ్ల సమయంలో తూకాల్లో మోసం జరుగుతోందని గుర్తించిన రైతులు, దళారులను ప్రశ్నించారు.
మోసంపై రైతుల తీవ్ర నిరసన
రైతులు తాము పండించిన కంది న్యాయమైన ధరకు అమ్మేందుకు ముందుకొచ్చినప్పటికీ, తూకాల్లో అవకతవకలు జరుగుతున్నట్లు కనుగొన్నారు. దళారులు పంటలు తక్కువ బరువుగా చూపించి, నష్టం కలిగిస్తున్నారని ఆరోపిస్తూ వాగ్వాదానికి దిగారు. దళారులను పట్టుకుని వివరణ కోరారు. దీంతో అక్కడి పరిస్థితి ఉద్రిక్తంగా మారింది.
