జోగుళాంబ గద్వాల (Jogulamba Gadwal) జిల్లాలోని పెద్ద ధన్వాడ (Pedda Dhanwada) శివారులో ఇథనాల్ కంపెనీ (Ethanol Company)కి వ్యతిరేకంగా ఆందోళన చేపట్టిన రైతులకు సంకెళ్లు వేసి కోర్టుకు తీసుకెళ్లిన ఘటనపై తెలంగాణ (Telangana) ముఖ్యమంత్రి (Chief Minister) రేవంత్ రెడ్డి (Revanth Reddy) తీవ్ర ఆగ్రహం వ్యక్తం చేశారు. ఇథనాల్ ఫ్యాక్టరీ విధ్వంసం కేసులో అరెస్టయిన 12 మంది రైతులను (Farmers) మహబూబ్‌నగర్ జైలు (Mahbubnagar Jail) నుంచి అలంపూర్ కోర్టు (Alampur Court)కు తరలించే సమయంలో వారికి సంకెళ్లు వేయడంపై ప్రభుత్వం సీరియస్ అయింది.
ఈ ఘటనపై స్పందించిన జోగుళాంబ గద్వాల జిల్లా పోలీసు ఉన్నతాధికారులు తక్షణమే చర్యలు తీసుకున్నారు. ఒక రిజర్వ్ సబ్-ఇన్‌స్పెక్టర్ (RS I), ఇద్దరు అసిస్టెంట్ రిజర్వ్ సబ్-ఇన్‌స్పెక్టర్ (ARSI)లను సస్పెండ్ (Suspended) చేస్తూ ఉత్తర్వులు జారీ చేశారు. రాజోలి పోలీస్ స్టేషన్‌కు సంబంధించిన ఈ కేసులో అధికారులు తమ విధులను నిర్లక్ష్యంగా నిర్వర్తించారని, ఉన్నతాధికారుల సూచనలను పాటించలేదని వెల్లడించారు.
పెద్ద ధన్వాడలో ఇథనాల్ కంపెనీకి వ్యతిరేకంగా ఆందోళన చేసిన 12 మంది రైతులపై పోలీసులు కేసు నమోదు చేసి రిమాండ్‌కు తరలించారు. అయితే, రిమాండ్ ముగిసిన తర్వాత వారిని మహబూబ్‌నగర్ జైలు నుంచి అలంపూర్ కోర్టుకు హాజరుపరిచేందుకు సంకెళ్ల (Handcuffs)తో తరలించడం పెద్ద చర్చనీయాంశంగా మారింది. ఈ దృశ్యాలు వైరల్ కావడంతో ప్రభుత్వం వెంటనే స్పందించి ఈ చర్యలు తీసుకుంది.
కాగా, ఇథనాల్ కంపెనీ యాజమాన్యం పనులు ప్రారంభించేందుకు ఏర్పాట్లు చేస్తుండగా, జూన్ 4న పెద్దధన్వాడతో పాటు పరిసర గ్రామాల రైతులు పెద్ద ఎత్తున ఆందోళన చేపట్టారు. ఈ ఘటనపై పోలీసులు 41 మందిపై కేసులు నమోదు చేయగా, అందులో 12 మందిని రిమాండ్‌కు తరలించారు. రిమాండ్ పూర్తయిన తర్వాత న్యాయమూర్తి బుధవారం వారికి షరతులతో కూడిన బెయిల్ మంజూరు చేశారు. అనంతరం రైతులను అలంపూర్ నుంచి మహబూబ్‌నగర్ జైలుకు తరలించి అక్కడ విడుదల చేశారు.
