దుప్పటి అడిగితే రాత్రికి రాత్రే గెంటివేస్తారా? ఏలూరులో అమానుషం

ప్రభుత్వ హాస్టళ్లలో (Government Hostels) చదువుకుంటున్న పేద విద్యార్థులకు (Poor Students) రక్షణ కల్పించాల్సిన పాలకులు దారుణంగా ప్ర‌వ‌ర్తిస్తున్నారు. కనీస మానవత్వం (Humanity), బాధ్యత (Responsibility) మరిచి ప్రవర్తిస్తున్న కొందరు అధికారుల తీరు విద్యార్థుల పాలిట శాపంగా మారుతోంది. ఏలూరు (Eluru) జిల్లా చింతలపూడిలోని (Chintalapudi) ఎస్సీ బాలికల హాస్టల్‌లో జరిగిన ఒక ఘటన ప్రస్తుతం రాష్ట్రవ్యాప్తంగా తీవ్ర సంచలనం సృష్టిస్తోంది. రాత్రి వేళ చలి తట్టుకోలేక దుప్పటి (Blanket) అడిగినందుకు.. ఎనిమిదో తరగతి చిన్నారిని అర్ధరాత్రి వేళ హాస్టల్ నుంచి గెంటివేసిన అమానుష ఉదంతం వెలుగుచూసింది.

చింతలపూడి ఎస్సీ బాలికల వసతి గృహంలో అక్షయ అనే విద్యార్థిని 8వ తరగతి చదువుతోంది. రాత్రి వేళ తీవ్రమైన చలిగా ఉండటంతో తట్టుకోలేక, తనకు దుప్పటి కావాలని హాస్టల్ వార్డెన్ (Hostel Warden) స్వప్నను (Swapna) అడిగింది. కన్నతల్లిలా ఆదరించాల్సిన వార్డెన్, ఆ చిన్నారిపై తీవ్ర ఆగ్రహంతో ఊగిపోయింది. సమయం రాత్రి 10 గంటలు దాటుతున్నా, బయట చీకటిగా ఉందనే కనీస విచక్షణ కూడా లేకుండా బాలికను హాస్టల్ నుంచి బయటకు పంపించేసింది.

అంతటితో ఆగకుండా, “మీ అమ్మాయికి హాస్టల్‌లో సీటు లేదు.. వెంటనే వచ్చి తీసుకువెళ్లండి” అంటూ రాత్రికి రాత్రే బాలిక తల్లిదండ్రులకు(Parents) ఫోన్ చేసి హుకుం జారీ చేసింది. ఆందోళనతో అప్పటికప్పుడు హాస్టల్‌కు చేరుకున్న తల్లిదండ్రులు బ్రతిమిలాడినా ఆ వార్డెన్ హృదయం కరగలేదు. ఆ రాత్రి వేళే బాలికను తల్లిదండ్రులు ఇంటికి తీసుకువెళ్లాల్సి వచ్చింది. విద్యా వ్య‌వ‌స్థ‌లో (Education System) జ‌రిగిన ఈ అమానుష ఘ‌ట‌న వీడియో సోష‌ల్ మీడియాలో వైర‌ల్‌గా మారింది.

దీంతో పౌర స‌మాజం నుంచి తీవ్ర నిరసనలు, ఆగ్రహావేశాలు వ్యక్తమవడంతో ఉన్నతాధికారులు స్పందించారు. ఘటన తీవ్రతను పరిగణనలోకి తీసుకున్న ఏలూరు జిల్లా కలెక్టర్(District Collector).. సదరు వార్డెన్ స్వప్నను విధులనుంచి సస్పెండ్ (Suspend) చేస్తూ తక్షణ ఉత్తర్వులు జారీ చేశారు. కలెక్టర్ సస్పెండ్ చేసినప్పటికీ.. అసలు ఒక చిన్నారిని అర్ధరాత్రి వేళ హాస్టల్ నుంచి బయటకు పంపేంత ధైర్యం ఒక వార్డెన్‌కు ఎలా వచ్చిందనే ప్రశ్నలు తలెత్తుతున్నాయి. రాష్ట్రంలో కూటమి ప్రభుత్వం (Coalition Government) అధికారంలోకి వచ్చిన తర్వాత ప్రభుత్వ విద్యాసంస్థలు, వసతి గృహాలపై పర్యవేక్షణ పూర్తిగా లోపించిందనే విమర్శలు వస్తున్నాయి.

ఏలూరు జిల్లా చింతలపూడి ఎస్సీ బాలికల హాస్టల్‌లో వార్డెన్ దాష్టీకం

దుప్పటి అడిగిందన్న కోపంతొ 8వ తరగతి విద్యార్థిని అక్షయను హాస్టల్ నుంచి పంపేసిన వార్డెన్

రాత్రి 10 గంటల సమయంలొ ఘటన

అప్పటికప్పుడు వచ్చి విద్యార్థినిని తీసుకువెళ్లిన తల్లిదండ్రులు

ఉన్నతాధికారులు విచారణ చేసి వార్డెన్… pic.twitter.com/BRi3uLVhks

— Telugu Feed (@Telugufeedsite) June 28, 2026