దిల్‌సుఖ్‌నగర్‌ (Dilsukhnagar)లోని శాలివాహన నగర్ (Salivahana Nagar) పార్కు (Park)లో జరిగిన కాల్పుల (Shooting) ఘటన క‌ల‌క‌లం రేపింది. మార్నింగ్ వాకర్ చందు నాయక్ (Chandu Naik) మృతి చెందారు (Died). నాగర్‌కర్నూల్ (Nagarkurnool) జిల్లా, అచ్చంపేట (Achampet) వాసి అయిన చందు నాయక్‌పై నలుగురు దుండగులు కారులో వచ్చి ఆరు రౌండ్లు కాల్పులు జరిపారు. ఆయనపై కారం చల్లి దాడి చేసినట్లు పోలీసులు తెలిపారు. ఈ ఘటనకు భూ వివాదాలే కారణమని పోలీసులు అనుమానిస్తున్నారు.
ఘటన వివరాలు
బుధవారం ఉదయం 7:30 గంటలకు కాల్పులు జరిగినట్లు పోలీసులకు సమాచారం అందింది. వాకింగ్ చేస్తున్న చందు నాయక్‌పై దుండగులు కాల్పులు జరపగా, ఆయన అక్కడికక్కడే మృతి చెందారు. మృతుడిని చంపే సమయంలో అడ్డువచ్చిన వారిని దుండగులు గన్తో బెదిరించారు.
పోలీసుల దర్యాప్తు
పోలీసులు చుట్టుపక్కల సీసీ ఫుటేజ్‌ను పరిశీలిస్తున్నారు. క్లూస్ టీమ్ బుల్లెట్ల నమూనాలను సేకరించి ల్యాబ్‌కు పంపింది. నిందితుల కారు నంబర్ ఆధారంగా వారిని ట్రాక్ చేస్తున్నారు. నిందితుల కోసం 10 బృందాలను ఏర్పాటు చేసి గాలిస్తున్నారు. ఘటనా స్థలంలో 7 బుల్లెట్లను స్వాధీనం చేసుకున్నారు. ఒకే ఆయుధంతో కాల్పులు జరిపినట్లు పోలీసులు గుర్తించారు.
డీసీపీ చైతన్యకుమార్ వెల్లడించిన వివరాలు
సౌత్ ఈస్ట్ డీసీపీ (DCP) చైతన్యకుమార్ (Chaitanya Kumar) మీడియాతో మాట్లాడుతూ, “ఉదయం 7:30 గంటలకు కాల్పులు జరిగాయని సమాచారం వచ్చింది. చందు నాయక్ అనే వ్యక్తి వాకింగ్ చేస్తుండగా నలుగురు దుండగులు షిఫ్ట్ కారులో వచ్చి కాల్పులు జరిపారని స్థానికులు చెప్పారు. ఈ ఘటనపై కేసు నమోదు చేసి దర్యాప్తు చేస్తున్నాం” అని తెలిపారు.
మృతుడి నేపథ్యం
చందు నాయక్ 2022లో జరిగిన ఒక హత్య కేసులో నిందితుడిగా ఉన్నాడని, ఎల్‌బీ నగర్ పోలీస్ స్టేషన్‌లో ఈ కేసు నమోదైందని డీసీపీ వెల్లడించారు. చందు నాయక్ నాగోల్ సాయి నగర్‌లో గుడిసెలు వేయించేవాడని, పాత కక్షలు ఏమైనా ఉన్నాయా అనే కోణంలో దర్యాప్తు చేస్తున్నామని ఆయన తెలిపారు. హత్యకు గల కారణాలు ఇంకా తెలియలేదని డీసీపీ పేర్కొన్నారు.
