తెలుగులో పలు సినిమాల్లో నటించి, ‘బిగ్ బాస్ తెలుగు’ తొలి సీజన్‌తో ప్రేక్షకులకు చేరువైన నటి దీక్షా పంత్ (Diksha Panth), ఇటీవల చేసిన వ్యాఖ్యలు ఇప్పుడు ఇండస్ట్రీలో హాట్ టాపిక్‌గా మారాయి. సినిమాలకు దాదాపు ఎనిమిదేళ్లుగా దూరంగా ఉన్న ఆమె, తాజాగా ఇచ్చిన ఇంటర్వ్యూలో సినీ పరిశ్రమలోని ‘క్యాస్టింగ్ కౌచ్’ (‘Casting Couch’)పై చేసిన వ్యాఖ్యలు చర్చనీయాంశమయ్యాయి.
అవకాశాల కోసం రాజీపడతారా?
ఇంటర్వ్యూలో యాంకర్ అడిగిన ఒక ప్రశ్నకు సమాధానమిస్తూ, “ఇక్కడ ఇద్దరికీ ఇష్టం ఉంటే.. మధ్యలో ఉన్నవారికి వచ్చిన సమస్య ఏమిటి?” అని దీక్షా వ్యాఖ్యానించారు. ఈ వ్యాఖ్యలు నేరుగా ‘అవకాశాల కోసం రాజీపడటం’ అనే అంశాన్ని ప్రస్తావించాయి. ఆమె వ్యక్తిగతంగా అలాంటి పరిస్థితులను ఎప్పుడూ ఎదుర్కోలేదని, అలాగే అలాంటి విధానాలకు తాను ఒప్పుకోనని స్పష్టం చేశారు.
‘నో’ చెప్పినందుకు అవకాశాలు కోల్పోయాను
తన కెరీర్ ప్రారంభంలో అవకాశాల కోసం ప్రయత్నించినప్పుడు కొన్ని వేర్వేరు పరిస్థితులను ఎదుర్కొన్నట్లు దీక్షా తెలిపారు. “నేను ‘నో’ అని చెప్పిన వెంటనే నన్ను రిజెక్ట్ చేసేవారు” అని ఆమె పేర్కొన్నారు. అందరితో సన్నిహితంగా ఉండలేను కాబట్టే తాను పూర్తిస్థాయిలో విజయవంతమైన నటిగా నిలబడలేకపోయాను అని కూడా ఆమె చెప్పుకొచ్చారు. ఈ వ్యాఖ్యలు సినీ రంగంలో అవకాశాల కోసం పడే ఒత్తిడిని, కొంతమంది నటీమణులు ఎదుర్కొనే సవాళ్లను సూచిస్తున్నాయి.
ప్రస్తుతం మోడలింగ్‌పై దృష్టి పెట్టిన దీక్షా పంత్ చేసిన ఈ వ్యాఖ్యలు సోషల్ మీడియాలో వైరల్ అవుతున్నాయి. ఆమె వ్యాఖ్యలపై భిన్నాభిప్రాయాలు వ్యక్తమవుతున్నాయి.
