క్రికెట్‌ (Cricket)లో అరుదైన, ఊహకందని ఘనత నమోదైంది. ఐర్లాండ్ (Ireland) ఇంటర్‌ ప్రావిన్షియల్ (Inter-Provincial) టీ20 టోర్నమెంట్‌ (T20 Tournament)లో ఒక బౌలర్ (Bowler) వరుసగా ఐదు బంతుల్లో (Five Deliveries) ఐదు వికెట్లు (Five Wickets) పడగొట్టాడు. ఈ అద్భుతం మున్‌స్టర్ రెడ్స్ (Munster Reds) తరఫున ఆడుతున్న (మరియు కెప్టెన్‌గా ఉన్న) ఐర్లాండ్ జాతీయ జట్టు ఆటగాడు కర్టిస్ కాంఫర్ (Curtis Campher) సాధించాడు. నార్త్ వెస్ట్ వారియర్స్‌తో జరిగిన మ్యాచ్‌లో ఈ ఫీట్‌ చోటు చేసుకుంది.
ఈ మ్యాచ్‌లో తొలుత బ్యాటింగ్ చేసిన కర్టిస్ జట్టు రెడ్స్, నిర్ణీత 20 ఓవర్లలో 188 పరుగుల భారీ స్కోరును నమోదు చేసింది. కర్టిస్ బ్యాట్‌తో కూడా సత్తా చాటి 24 బంతుల్లో 44 పరుగులు చేసి ఇన్నింగ్స్ టాప్ స్కోరర్‌గా నిలిచాడు.
అనంతరం భారీ లక్ష్య ఛేదనకు దిగిన వారియర్స్ 11 ఓవర్లలో 78 పరుగులకే 5 వికెట్లు కోల్పోయి పీకల్లోతు కష్టాల్లో పడింది. ఈ కీలక దశలో తన రెండో ఓవర్ వేసేందుకు బంతిని అందుకున్న కర్టిస్.. ఆ ఓవర్ చివరి రెండు బంతులకు రెండు వికెట్లు (జరెడ్ విల్సన్, గ్రహం హ్యూమ్) తీశాడు.
