తనకు 10 నిమిషాల సమయం దొరికినా తాను ప్రజల గురించే ఆలోచిస్తానని ఆంధ్రప్రదేశ్ (Andhra Pradesh) ముఖ్యమంత్రి (Chief Minister) చంద్రబాబు నాయుడు (Chandrababu Naidu) అన్నారు. కడప జిల్లా (Kadapa District) జమ్మలమడుగు (Jammalamadugu)లో పర్యటించిన ఆయన గూడెంచెరువు (Gudencheruvu) గ్రామంలో పెన్షన్ల పంపిణీ కార్యక్రమంలో పాల్గొన్న చంద్రబాబు పలు కీలక వ్యాఖ్యలు చేశారు. పేదల సంక్షేమాన్ని ఉద్యమంగా తీసుకుని తాము పనిచేస్తున్నామని, రాష్ట్రాన్ని అభివృద్ధి పథంలో నడిపించేందుకు తాము చేపడుతున్నామని చెప్పారు. “64 లక్షల మందికి ఏడాదికి రూ.33 వేల కోట్లు పెన్షన్ల రూపంలో ఇస్తున్న ఏకైక రాష్ట్రం ఏపీనే” అని ఆయన తెలిపారు. గత పాలనలో నెలలో ఒకసారి పెన్షన్ అందని వృద్ధులు ఎన్నో అవస్థలు పడ్డారని గుర్తుచేశారు.
వైసీపీపై తీవ్రంగా మండిపడ్డ చంద్రబాబు, వారి పాలనలో రాష్ట్రాన్ని విధ్వంసానికి గురిచేసారని విమర్శించారు. “గత పాలనలో కేంద్ర పథకాలు నిలిపివేశారని ఆరోపించారు. గండికోట అభివృద్ధిపై ప్రత్యేక దృష్టి పెట్టినట్లు చెబుతూ, అక్కడ శ్రీకృష్ణదేవరాయ విగ్రహం ఏర్పాటుకు చర్యలు ప్రారంభించామని తెలిపారు. “గతంలో ఎన్టీఆర్ ప్రారంభించిన గండికోట ప్రాజెక్టును తానే పూర్తి చేశానని” గుర్తు చేశారు. రాయలసీమను హార్టికల్చర్ హబ్గా మార్చిన ఘనత తమ ప్రభుత్వానిదే అని చెప్పారు.
రాష్ట్ర అభివృద్ధి పై దృష్టిసారించిన చంద్రబాబు, రోడ్ల అభివృద్ధికి రూ.12 వేల కోట్లు ఖర్చు చేశామన్నారు. కడపలో పారిశ్రామిక కారిడార్లు, స్టీల్ ప్లాంట్ పనులు, నూతన విద్యుత్ ఉత్పత్తి పథకాలు మొదలైనవి ప్రారంభమయ్యాయని వెల్లడించారు. “నాయకుడు భావితరాల గురించి ఆలోచించాలి. సంపాదించిన వారు సమాజానికి తిరిగి ఇవ్వాలి” అంటూ తాను కులం, మతం, ప్రాంతం లేని వ్యక్తినని స్పష్టం చేశారు. చివరిగా, ప్రజాసేవే తన లక్ష్యమని, పేదల పక్షంగా ఎప్పుడూ ముందుండేందుకు తాను సిద్ధమని అన్నారు.
