ఆయుష్మాన్ ఖురానా (Ayushmann Khurrana) మరియు రష్మిక మందన్న (Rashmika Mandanna ) జంటగా నటించిన ‘థామా'(‘Thama’) చిత్రం టీజర్(Teaser) విడుదలైంది. మాడ్డాక్ ఫిల్మ్స్ (Maddock Films) నిర్మిస్తున్న ఈ సినిమాకు ఆదిత్య సర్పోత్దార్ (Aditya Sarpotdar) దర్శకత్వం వహిస్తున్నారు. దినేష్ విజన్ హారర్ యూనివర్స్‌లో ఇది మొదటి రొమాంటిక్ కామెడీ చిత్రం కావడంతో దీనిపై ప్రేక్షకుల్లో ఆసక్తి నెలకొంది.
టీజర్‌లో హైలైట్స్
ఈ టీజర్‌లో ముఖ్యంగా చెప్పుకోవాల్సింది రష్మిక మందన్న గురించి. ఆమె యాక్షన్ సన్నివేశాలతో పాటు రొమాంటిక్ సన్నివేశాల్లోనూ అదరగొట్టారు. టీజర్ ప్రారంభంలో కనిపించే రష్మిక క్లోజ్-అప్ షాట్, చివర్లో లిప్ లాక్ సన్నివేశం టీజర్‌కు ప్రత్యేక ఆకర్షణగా నిలిచాయి. చివర్లలో నవాజుద్దీన్ సిద్ధికి కామెడీ టైమింగ్ కూడా ఆకట్టుకుంది.
మాడ్డాక్ ఫిల్మ్స్ హారర్ యూనివర్స్
దినేష్ విజన్, మాడ్డాక్ ఫిల్మ్స్ హారర్ యూనివర్స్ బాలీవుడ్‌లో ఇప్పటికే ఒక పెద్ద బ్రాండ్‌గా స్థిరపడింది. ఈ యూనివర్స్‌లో స్త్రీ, ముంజ్యా లాంటి విజయవంతమైన చిత్రాలు ఉన్నాయి. ఇటీవల విడుదలైన స్త్రీ 2 కూడా భారీ విజయాన్ని సాధించింది. ఈ చిత్రాలు, అలాగే భేడియా పరాజయం పాలైనప్పటికీ, ‘థామా’పై ప్రేక్షకుల్లో ఆసక్తి ఏ మాత్రం తగ్గలేదు.
భవిష్యత్తు ప్రణాళికలు
‘థామా’ తర్వాత, మాడ్డాక్ ఫిల్మ్స్ మరిన్ని ప్రాజెక్టులను సిద్ధం చేసింది. ఈ జాబితాలో శక్తి శాలిని, భేడియా 2, చాముండా, స్త్రీ 3 మరియు మహాముంజ్యా వంటివి ఉన్నాయి. ఈ ప్రాజెక్టులతో మాడ్డాక్ ఫిల్మ్స్ యూనివర్స్ బాలీవుడ్‌లో అతిపెద్ద కనెక్టెడ్ ఫ్రాంచైజీగా రికార్డు సృష్టించబోతోందని సినీ వర్గాల్లో చర్చ జరుగుతోంది.
