ఆసియా కప్ (Asia Cup) 2025 టోర్నమెంట్‌లో నేటి నుంచి సూపర్ 4 మ్యాచ్‌లు ప్రారంభం అవుతున్నాయి. ఈ దశలో మొత్తం నాలుగు జట్లు తలపడతాయి. సూపర్ 4లోని తొలి మ్యాచ్ ఈరోజు శ్రీలంక (Sri Lanka), బంగ్లాదేశ్ (Bangladesh) మధ్య జరగనుంది. గ్రూప్ బిలో అద్భుతమైన ప్రదర్శన కనబరిచిన ఈ రెండు జట్లు సూపర్ 4కు చేరుకున్నాయి.
ఈ మ్యాచ్ ఈరోజు రాత్రి 8 గంటలకు దుబాయ్‌లోని ఇంటర్నేషనల్ స్టేడియం (Dubai International Stadium)లో మొదలవుతుంది. ఈ మ్యాచ్‌లో గెలిచిన జట్టుకు తర్వాతి దశకు వెళ్లే అవకాశాలు మెరుగవుతాయి. కాబట్టి ఈ పోరు ఇరు జట్లకు చాలా కీలకం. గత రికార్డులు పరిశీలిస్తే, బంగ్లాదేశ్ కంటే శ్రీలంక పటిష్ఠంగా కనిపిస్తోంది. జయసూర్య నేతృత్వంలో శ్రీలంక అటాకింగ్ బౌలింగ్, బ్యాటింగ్‌లో దూసుకుపోతోంది. అయితే, ఇది T20 ఫార్మాట్ కాబట్టి ఏ జట్టు ఎప్పుడైనా విజయం సాధించే అవకాశం ఉంది.
సూపర్ 4 షెడ్యూల్
ఆసియా కప్ 2025లో భాగంగా మొత్తం ఆరు సూపర్ 4 మ్యాచ్‌లు జరగనున్నాయి. పూర్తి షెడ్యూల్ ఇలా ఉంది:
సెప్టెంబర్ 21: శ్రీలంక vs బంగ్లాదేశ్ (దుబాయ్)
సెప్టెంబర్ 22: టీమిండియా vs పాకిస్తాన్ (దుబాయ్)
సెప్టెంబర్ 23: పాకిస్తాన్ vs శ్రీలంక (అబుదాబి)
సెప్టెంబర్ 24: టీమిండియా vs బంగ్లాదేశ్ (దుబాయ్)
సెప్టెంబర్ 25: పాకిస్తాన్ vs బంగ్లాదేశ్
సెప్టెంబర్ 26: శ్రీలంక vs టీమిండియా
ఈ సూపర్ 4 దశలో టాప్ 2లో నిలిచిన జట్లు ఫైనల్‌కు చేరుకుంటాయి. ఫైనల్ మ్యాచ్ సెప్టెంబర్ 28న దుబాయ్ ఇంటర్నేషనల్ స్టేడియం వేదికగా జరగనుంది. క్రీడా విశ్లేషకుల అంచనా ప్రకారం, ఫైనల్ శ్రీలంక, టీమిండియా మధ్య ఉంటుందని భావిస్తున్నారు.
