లంచాలు (Bribes) తీసుకుని అక్రమంగా ఆస్తులు కూడబెట్టారన్న ఆరోపణలతో విద్యుత్ శాఖ అసిస్టెంట్ డివిజనల్ ఇంజినీర్ (ADE) అంబేద్కర్ ఇళ్లు, ఆయన బంధువులు, బినామీల నివాసాలపై అవినీతి నిరోధక శాఖ (ఏసీబీ)(ACB) అధికారులు ఏకకాలంలో సోదాలు నిర్వహించారు. ఈ దాడుల్లో భారీగా అక్రమ ఆస్తులు బయటపడ్డాయి.
సోదాల్లో బయటపడ్డ అక్రమాస్తులు:
గచ్చిబౌలి (Gachibowli)లో రూ. 2 కోట్ల నగదు: అంబేద్కర్ (Ambedkar) బినామీ (Benami) సతీష్ (Satish) ఇంట్లో ఏసీబీ అధికారులు నిర్వహించిన సోదాల్లో రూ. 2 కోట్ల నగదుతో పాటు ఒక ఖరీదైన భవనాన్ని కూడా గుర్తించారు.₹200 కోట్లకు పైగా ఆస్తులు: మొత్తం 18 చోట్ల ఏసీబీ బృందాలు జరిపిన సోదాల్లో ఇప్పటివరకు దాదాపు రూ. 200 కోట్లకు పైగా విలువైన ఆస్తులు ఉన్నట్లు ఏసీబీ గుర్తించింది.
పలు చోట్ల ఆస్తులు: సూర్యాపేట జిల్లా పెన్‌పహాడ్‌లో 10 ఎకరాల వ్యవసాయ భూమి, వెయ్యి గజాల ఫామ్‌హౌస్ ఉన్నట్లు అధికారులు కనుగొన్నారు. హైదరాబాద్, రంగారెడ్డి, మెదక్, నల్గొండ జిల్లాల్లోనూ పలు ఆస్తుల పత్రాలు స్వాధీనం చేసుకున్నారు.
ఏసీబీ బృందాలు ఈ కేసులో మరింత లోతుగా దర్యాప్తు కొనసాగిస్తున్నాయి. సోదాలు పూర్తయిన తర్వాత పూర్తి వివరాలు వెల్లడిస్తామని ఏసీబీ డీఎస్పీ ఆనంద్ తెలిపారు. ఈ అక్రమాలకు పాల్పడినవారిలో ఇంకా ఎవరెవరు భాగం పంచుకున్నారనే దానిపై విచారణ జరుగుతోంది.
