విక్కీ కౌశల్(Vicky Kaushal), రష్మిక మందన్నా(Rashmika Mandanna) ప్రధాన పాత్రల్లో నటించి బాలీవుడ్లో హిట్ టాక్ సంపాదించుకున్న భారీ చారిత్రక చిత్రం ‘ఛావా’ (Chhaava). ప్రముఖ దర్శకుడు లక్ష్మణ్ ఉటేకర్ ఈ చిత్రాన్ని తెరకెక్కించారు. ఛత్రపతి శివాజీ మహారాజ్ కుమారుడు శంభాజీ మహారాజ్ జీవిత కథ ఆధారంగా ఈ సినిమా రూపొందింది.
ఈ సినిమా తెలుగులో గీతా ఆర్ట్స్(Geetha Arts) ద్వారా మార్చి 7న ప్రేక్షకుల ముందుకు రానుంది. ఈ నేపథ్యంలో, తాజాగా ‘ఛావా’ తెలుగు ట్రైలర్(Chhaava Telugu Trailer)ను విడుదల చేశారు. ఆకట్టుకునే విజువల్స్, ఇంటెన్స్ నరేటివ్తో ట్రైలర్ సినీప్రియులను మంత్రముగ్ధులను చేస్తోంది.
